NEWS
বিহাৰৰ ১৩ বছৰীয়া ক্ৰিকেটাৰ বৈভৱ সূৰ্যবংশীয়ে আই পি এল নিলামত ক্ৰয় কৰা সৰ্বকনিষ্ঠ খেলুৱৈ হিচাপে চিহ্নিত হৈছে। আটাইতকৈ কনিষ্ঠ খেলুৱৈ হিচাপে পৰিগণিত সূৰ্যবংশীক সোমবাৰে ছৌদি আৰৱৰ জেদ্দাত আই পি এল ২০২৫ মেগা নিলামৰ দ্বিতীয় দিনা ৰাজস্থান ৰয়েলছৰ হৈ ১.১০ কোটি টকাত ক্ৰয় কৰা হৈছে। বৈভৱ সূৰ্যবংশী কোন? ১৩ বছৰীয়া ক্ৰিকেটাৰগৰাকীক ৰাহুল দ্ৰাবিড়ৰ আৰ আৰে ১.১০ কোটি টকাত ক্ৰয় কৰাৰ লগে লগে আইপিএলৰ নিলামত ক্ৰয় কৰা সৰ্বকনিষ্ঠ খেলুৱৈ হিচাপে চিহ্নিত হৈছে বৈভৱ সূৰ্যবংশী। বিহাৰৰ তাজপুৰত ২০১১ চনৰ ২৭ মাৰ্চত জন্মগ্ৰহণ কৰা বৈভৱে ৪ বছৰ বয়সত তেওঁৰ ক্ৰিকেট প্ৰতিভা প্ৰদৰ্শন কৰিবলৈ আৰম্ভ কৰিছিল। বৈভৱৰ দেউতাক সঞ্জীৱে তেওঁৰ ক্ৰিকেটৰ প্ৰতি থকা অনুৰাগ লক্ষ্য কৰিছিল আৰু ঘৰৰ পিছফালে তেওঁৰ বাবে এখন সৰু খেলপথাৰ নিৰ্মাণ কৰাৰ সিদ্ধান্ত লৈছিল। ৯ বছৰ বয়সত বৈভৱৰ দেউতাকে তেওঁক ওচৰৰ সমস্তিপুৰ চহৰৰ এখন ক্ৰিকেট একাডেমীত নামভৰ্তি কৰাই দিছিল। ক্ৰিকেট প্ৰতিভাৰ ক্ষেত্ৰত বৈভৱ তেওঁৰ বয়সতকৈ যথেষ্ট আগবাঢ়ি আছে বুলি তেওঁৰ চাৰিওফালৰ মানুহে লক্ষ্য কৰিবলৈ বেছি সময় নালাগিল। নিজৰ ক্ৰীড়া প্ৰতিভাৰ পৰিচয় দিবলৈ সক্ষম হ’ল কিশোৰ ক্ৰিকেটাৰগৰাকী। এক সাক্ষাৎকাৰত বৈভৱে কয়, ‘তাত আঢ়ৈ বছৰ অনুশীলন কৰাৰ পাছত মই বিজয় মাৰ্চেণ্ট ট্ৰফীৰ বাবে অনূৰ্ধ্ব-১৬ ট্ৰায়েল দিছিলোঁ। মোৰ বয়সৰ বাবে মই ষ্টেণ্ডবাইত আছিলোঁ। ঈশ্বৰৰ অনুগ্ৰহত মই এজন প্ৰাক্তন ৰঞ্জী খেলুৱৈ মনীষ ওজা ছাৰৰ অধীনত প্ৰশিক্ষণ আৰম্ভ কৰিছিলোঁ। তেওঁ মোক বহুত শিকাইছে আৰু আজি মই যি সেয়া কেৱল তেওঁৰ বাবে।’ বৈভৱৰ বয়স যেতিয়া মাত্ৰ ১২ বছৰ আছিল তেতিয়া তেওঁ বিহাৰৰ হৈ ভিনু মানকাড ট্ৰফীত খেলিছিল আৰু মাত্ৰ পাঁচখন মেচত প্ৰায় ৪০০ ৰাণ সংগ্ৰহ কৰিছিল। ১২ বছৰ বয়সত বিহাৰৰ হৈ আত্মপ্ৰকাশ কৰা বৈভৱে ক্ৰিকেট জগতত কম সময়তে সুনাম অৰ্জন কৰিছে। চেন্নাইত চাৰিদিনীয়া এখন খেলত অষ্ট্ৰেলিয়াৰ অনূৰ্ধ্ব-১৯ দলৰ বিৰুদ্ধে ৫৮ বলত এটা শক্তিশালী শতকে উদীয়মান তাৰকা হিচাপে তেওঁৰ স্থিতি দৃঢ় কৰে। ২০২৩ চনৰ নৱেম্বৰত অন্ধ্ৰপ্ৰদেশৰ মুলাপাডুত অনূৰ্ধ্ব-১৯ শৃংখলাৰ বাবে ভাৰত বি অনূৰ্ধ্ব-১৯ দলৰো অংশ আছিল বৈভৱ। তেওঁ বাংলাদেশ আৰু ইংলেণ্ডৰ অনূৰ্ধ্ব-১৯ দলৰ বিৰুদ্ধে ভাৰত এ দলত অংশগ্ৰহণ কৰিছিল, যিখন প্ৰতিযোগিতাই নিৰ্বাচকসকলৰ বাবে আইচিচি অনূৰ্ধ্ব-১৯ বিশ্বকাপ ২০২৪ৰ বাবে ভাৰতীয় দল বাছনি কৰাৰ মঞ্চ হিচাপে কাম কৰে। None
What’s New
Spotlight
Advertisement
Featured News
Latest From This Week
Popular News
