NEWS
এগৰাকী মাতৃ এতিয়া বিশ্বজুৰি চৰ্চিত। তেওঁৰ পুত্ৰৰ সাফল্য আৰু এখন প্ৰতিযোগিতাত পুত্ৰৰ প্ৰতিদ্বন্দ্বীক লৈ কৰা বিশেষ মন্তব্যৰ বাবে চৰ্চালৈ আহিছে মাতৃগৰাকী। অকল ইমানেই নহয়, সম্প্ৰতি ইণ্টাৰনেটতো খলকনি তুলিছে এইগৰাকী মাতৃয়ে। পিছে, কোন তেওঁ? আপোনাৰ বাবে জানিবলৈ মন গৈছেনে? মাতৃ হৃদয়ৰ চেনেহ নিগৰাই সকলোৰে মন জয় কৰা এই মাতৃগৰাকীয়ে পিছে নিজে জানিব পৰা নাই যে তেওঁ সম্প্ৰতি সমগ্ৰ বিশ্বতে হৈ পৰিছে ইণ্টাৰনেট ছেনচেশ্যন! মাতৃগৰাকী আন কোনো নহয়। পেৰিছ অলিম্পিকত ৰূপৰ পদক জিনি দেশবাসীক গৰ্বিত কৰা নীৰজ চোপ্ৰাৰ (Neeraj Chopra) মাতৃ সৰোজ দেৱী। নীৰজ চোপ্ৰাই দাবী কৰিছে যে তেওঁ নিশ্চিত, পেৰিছ অলিম্পিক ২০২৪ত (Paris Olympics) জেভলিন থ্ৰো ইভেণ্টৰ পাছত তেওঁৰ মাতৃয়ে কৰা মন্তব্যৰ পাছত তেওঁৰ মাতৃ ইণ্টাৰনেট ছেনচেশ্যন হৈ পৰিছে বুলি তেওঁৰ মাতৃ অজ্ঞাত। ইভেণ্টটোৰ পাছত নীৰজে পাকিস্তানৰ আৰ্শ্বাদ নাদিমৰ (Arshad Nadeem)পাছত দ্বিতীয় স্থান লাভ কৰি ৰূপৰ পদক লাভ কৰে। তাৰ পাছতেই স্ৱৰ্ণজয়ী আৰ্শ্বাদ নাদিম সন্দৰ্ভত নীৰজৰ মাতৃয়ে কৰা মন্তব্য ভাইৰেল হৈ পৰিছিল। নীৰজৰ মাতৃয়ে কৈছিল যে নাদিমো তেওঁৰ সন্তানৰ দৰেই। নীৰজে ৰূপৰ পদক জয় কৰাত সন্তুষ্টি প্ৰকাশ কৰিছিল নীৰজৰ মাতৃ সৰোজ দেৱীয়ে। নীৰজ-মাতৃৰ এই মন্তব্যই ভাৰত আৰু পাকিস্তান দুয়োখন দেশৰ দুয়োগৰাকী ক্ৰীড়া তাৰকাৰ অনুৰাগীসকলৰ পৰা যথেষ্ট প্ৰশংসা অৰ্জন কৰিছিল। মাতৃ সম্পৰ্কত মন্তব্য কৰি নীৰজে কয়, ‘‘মোৰ মা এখন গাঁৱত ডাঙৰ-দীঘল হৈছিল। তেওঁ এটা সাধাৰণ পৰিয়ালত ডাঙৰ-দীঘল হৈছিল আৰু বিয়াৰ পাছতো গাঁৱত বাস কৰি আছে। তেওঁ সামাজিক মাধ্যমত নাই। তেওঁ বেছি বাতৰি চোৱা নাই। মনত যি আছে, সেয়ে কয়। তেওঁ তেওঁৰ হৃদয়ৰ পৰা কথা কয়। মোৰ মাই মোৰ বাবে যি অনুভৱ কৰে, সেয়া বেলেগ এখন দেশৰ খেলুৱৈৰ বাবেও ভাবে। আন এখন দেশৰ এজন খেলুৱৈয়েও তেওঁৰ পৰা একেই মৰম পোৱাটো তেওঁ বিচাৰে।’’ নীৰজে লগতে কয়, ‘‘মই নিশ্চিত যে মোৰ মাই বৰ্তমান ইণ্টাৰনেটত তেওঁক লৈ কি চৰ্চা হৈ আছে, সেয়া গম পোৱা নাই। কাৰণ তেওঁ ইণ্টাৰনেট ব্যৱহাৰ নকৰে।’’ None
What’s New
Spotlight
Advertisement
Featured News
Latest From This Week
Popular News
