NEWS
বাংলাদেশৰ ঢাকেশ্বৰী মন্দিৰ দৰ্শন কৰিলে দেশখনৰ অন্তৰ্ৱৰ্তীকালীন চৰকাৰৰ প্ৰধান উপদেষ্টা ড০ মহম্মদ ইউনুছে। বাংলাদেশৰ অন্তৰ্ৱৰ্তীকালীন চৰকাৰৰ প্ৰধান উপদেষ্টা ড০ মহম্মদ ইউনুছে কয়, সকলোৰে অধিকাৰ সমান। এই দেশৰ মানুহ হিচাপে অধিকাৰ বিভক্ত হৈ নহয়, আমি একেই মানুহ, সমান অধিকাৰ, ইয়াৰ মাজত কোনো পাৰ্থক্য নাই। আমাক সহযোগ কৰক। ধৈৰ্য ধৰক, কিবা কৰিব পাৰিলো নে নোৱাৰিলো, সেয়া পিছত বিচাৰ কৰিব। যদি নোৱাৰো মোক দোষ দিয়ক। মঙলবাৰে পুৱা ঢাকেশ্বৰী মন্দিৰ পৰিদৰ্শন কৰিবলৈ গৈ এই মন্তব্য কৰে মহম্মদ ইউনুছে। দুপৰীয়া ১২ বজাত ঢাকেশ্বৰী মন্দিৰত উপস্থিত হোৱাৰ পিছত তেওঁক স্বাগতম জনায় হিন্দু সম্প্ৰদায়ৰ নেতাসকলে। তেওঁ কয়, আমাৰ গণতান্ত্ৰিক যি আকাংক্ষা, তাত আমি মুছলমান, হিন্দু, বৌদ্ধ হিচাপে নহয়, মানুহ হিচাপে বিবেচিত। আমাৰ অধিকাৰবোৰ নিশ্চিত হওক। সকলো সমস্যাৰ মূল হ’ল আমি কৰা সকলো প্ৰতিষ্ঠানগত ব্যৱস্থা পচি গৈছে। সেইবাবেই গণ্ডগোল ঘটিছে। প্ৰতিষ্ঠানগত ব্যৱস্থাবোৰ ঠিক কৰিব লাগিব। আৰু পঢ়ক : বাংলাদেশৰ ৰাজনৈতিক অস্থিৰতাই প্ৰভাৱিত কৰিছে ভাৰতৰ দ্বিপাক্ষিক বাণিজ্যক : কি কি ক্ষেত্ৰত আহি পৰিছে চৰম অনিশ্চয়তা? তেওঁ লগতে কয়, ন্যায় বিচাৰ হ’লে কোনে বিচাৰ নাপাব? আমি জাত-পাত চোৱা নাই। সেয়া আইনে কৈছে নেকি? আইন এখন। কাৰ সাধ্য আছে বিভেদ কৰাৰ। এয়া হ’বই নোৱাৰে। আমি গণতান্ত্ৰিক অধিকাৰ প্ৰতিষ্ঠা কৰিব লাগিব। সেয়া পালে আমি বাক স্বাধীনতা পাম। আমি মানৱ অধিকাৰ প্ৰতিষ্ঠা কৰিব লাগিব। এয়া আমাৰ মূল লক্ষ্য। লগতে পঢ়ক : ভাৰতলৈ ইলিচৰ ৰপ্তানি বন্ধ কৰিলে বাংলাদেশে, ঢাকাৰ বজাৰত কমিছে সুস্বাদু ইলিচৰ দাম ড০ মহম্মদ ইউছুফে কয়, আপোনালোকে ক্ষোভৰ মাজলৈ নাযাব। ক্ষোভৰ মাজলৈ গ’লেই বিভিন্ন ধৰণৰ সংঘৰ্ষ হয়। একগোট হওক। এক আইন। আমাক আইনৰ অধিকাৰ দিব লাগিব। আজি যিটো কোৱা হ’ল যে আইনৰ অধিকাৰ পোৱা নাই। বিচাৰ পোৱা নাই। এয়া হ’ল আচল বস্তু। আমি প্ৰতিষ্ঠানিক যি ব্যৱস্থা কৰিছো, এয়া পক্ষপাতমূলক ব্যৱস্থা। উল্লেখযোগ্য যে তেওঁৰ ভ্ৰমণৰ সময়ত উপস্থিত আছিল বাংলাদেশ পূজা উদযাপন পৰিষদৰ সভাপতি বাসুদেৱ ধৰৰ লগতে বাংলাদেশ হিন্দু সম্প্ৰদায়ৰ নেতাসকল। None
What’s New
Spotlight
Advertisement
Featured News
Latest From This Week
Popular News
