BUSINESS
ஒவ்வொரு ஆணின் வெற்றிக்கு பின்னும் ஒரு பெண் இருப்பாள் என்பது பழமொழி. அந்த வகையில், உலகின் முக்கிய நிறுவனவமான கூகுளில் முக்கிய பொறுப்பில் இருக்கும் சுந்தர் பிச்சையின் வெற்றிக்கு காரணமான அவரது மனைவி அஞ்சலி பிச்சை குறித்து விரிவாக தெரிந்துகொள்ளலாம். உலகிலேயே அதிக சம்பளம் வாங்கும் தலைமை நிர்வாக அதிகாரி கூகுள் சுந்தர் பிச்சை. இவர் ஆண்டுக்கு 1800 கோடி ரூபாயை சம்பளமாக வாங்குகிறார். உலகம் முழுக்க இவரைப் பற்றி அறிந்திருந்தாலும், அவரது மனைவியான அஞ்சலி பிச்சை குறித்து பெரும்பாலும் யாருக்கும் தெரியாது. 2.09 டிரில்லியன் டாலர் சந்தை மூலதனத்தைக் கொண்ட கூகுளின் தாய் நிறுவனமான ஆல்பபெட்டின் தலைமை நிர்வாக அதிகாரி சுந்தர் பிச்சை. சுந்தர் பிச்சை உலகளவில் நன்கு அறியப்பட்ட நபராக இருந்தாலும், அவரது வெற்றியில் முக்கிய பங்கு வகித்த அஞ்சலியைப் பற்றி அதிகம் அறியப்படவில்லை. 2022ல் ₹1,869 கோடியுடன், இந்தியாவின் மிகப் பெரிய பணக்காரரான முகேஷ் அம்பானியை மிஞ்சும் வகையில், சுந்தர் பிச்சை ஆண்டு சம்பளமாக ₹1,800 கோடிக்கும் அதிகமாகப் பெறுகிறார். அதாவது சுந்தர் ஒரு நாளைக்கு ₹5 கோடிக்கு மேல் சம்பாதிக்கிறார். ட்விட்டர் மற்றும் யாகூ போன்ற நிறுவனங்களின் வேலை வாய்ப்புகள் இருந்தபோதிலும், கூகுளில் தொடர்ந்து பணியாற்றுவதற்கான தனது முடிவிற்கு அஞ்சலியை வெளிப்படையாக பாராட்டியுள்ளார். ஏனெனில் அஞ்சலியின் ஆலோசனையே அவரை கூகுள் நிறுவனத்துடன் தொடர்ந்து பணிபுரிய வைத்திருக்கிறது. இதையும் படிக்க: தீபாவளிக்கு தங்கம் வாங்கப் போறீங்களா..? தூய்மையான தங்கத்தை கண்டுபிடிப்பது எப்படி? - விவரம்! சுந்தர் பிச்சை அமெரிக்காவுக்கு சென்றபோது, அந்த நேரத்தில் நீண்ட தூர அழைப்புகளின் விலை அதிகமாக இருந்ததால், அடிக்கடி பேச முடியாமல், பல மாதங்களாக தம்பதியர் பிரிவை எதிர்கொண்டனர். மேலும் பல நிறுவனங்கள் சுந்தர் பிச்சையை பணியமர்த்த முயற்சி செய்ததாக தகவல்கள் தெரிவிக்கின்றன. ஆனால் அஞ்சலி அவரை கூகுளில் தொடர்ந்து இருக்குமாறு அறிவுறுத்தியுள்ளார். அவரது ஆலோசனைக்கு நன்றி, ஏனெனில் சுந்தர் பிச்சை தற்போது, பில்லியனர்களுள் ஒருவராக மாற இருக்கிறார். ஏனெனில் அவரது நிகர சொத்து மதிப்பு $1 பில்லியன் (₹8,342 கோடி) ஆகும். கூகுளில் இணைந்ததில் இருந்து, நிறுவனத்தின் பங்குகள் 400% க்கும் அதிகமாக உயர்ந்துள்ளது, மேலும் தற்போதைய AI தொழில்நுட்பங்களின் மாறுபாடின் போதும், கூகுள் தொடர்ந்து புதிய உயரங்களை தொட்டு வருகிறது. ராஜஸ்தானின் கோட்டாவைச் சேர்ந்த அஞ்சலி பிச்சை, ஐஐடி காரக்பூரில் படிக்கும் போது சுந்தரை சந்தித்தார். அங்கு அவர் கெமிக்கல் இன்ஜினியரிங் பட்டம் பெற்றார். பட்டம் பெற்ற பிறகு, அவர் அக்சென்ச்சரில் தனது வாழ்க்கையைத் தொடங்கினார். மூன்றாண்டுகள் அங்கு பணியைத் தொடர்ந்த பிறகு, தற்போது இன்ட்யூட்டில் பணியாற்றி வருகிறார். தற்போது அஞ்சலி பிச்சை இன்ட்யூட்டில் வணிக இயக்க மேலாளராக உள்ளார் என்பது குறிப்பிடத்தக்கது. None
What’s New
Spotlight
Advertisement
Featured News
Latest From This Week
Popular News
