NEWS
નવી દિલ્હી: ‘પુષ્પાભાઉ’ એટલે કે સાઉથના સુપરસ્ટાર અલ્લુ અર્જુનની મુશ્કેલીઓ વધી રહી છે. 4 ડિસેમ્બરે ‘પુષ્પા 2’ની રિલીઝ દરમિયાન એક મહિલાનું મૃત્યુ થયું હતું અને એક બાળક ગંભીર રીતે ઘાયલ થયું હતું. આ કેસમાં હૈદરાબાદ પોલીસે હવે અલ્લુ અર્જુનને પૂછપરછ માટે સમન્સ જારી કર્યું છે. અલ્લુ અર્જુને આજે એટલે કે 24મી ડિસેમ્બરે સવારે 11 વાગ્યે ચિક્કડપલ્લી પોલીસ સ્ટેશનમાં પૂછપરછ માટે હાજર થવું પડશે. આ કેસમાં હૈદરાબાદ પોલીસે 13 ડિસેમ્બરે અલ્લુ અર્જુનની ધરપકડ કરી હતી અને બાદમાં તેને હાઈકોર્ટમાંથી વચગાળાના જામીન મળી ગયા હતા. અલ્લુ અર્જુનને વચગાળાના જામીન આપવાની સાથે કોર્ટે તેને કેસની તપાસમાં સહકાર આપવાનો આદેશ આપ્યો છે. આ પણ વાંચો: આમિર ખાનની ઓનસ્ક્રીન માતા ગળાડૂબ પ્રેમમાં પડી, ફેસબુક પર દિલ દઈ બેઠી, લગ્નના ફોટોએ મચાવી દીધો તહેલકો! ગત રવિવારે (22 ડિસેમ્બર) વિરોધીઓએ અલ્લુ અર્જુનના ઘર પાસે તોડફોડ કરી હતી. વિરોધીઓએ સંધ્યા થિયેટરની બહાર નાસભાગમાં જીવ ગુમાવનાર મહિલા માટે ન્યાયની માંગ કરી રહ્યા હતા. ઓસ્માનિયા યુનિવર્સિટી જોઈન્ટ એક્શન કમિટી (OU-JAC) ના સભ્યો તરીકે ઓળખાતા વિરોધીઓએ તેલુગુ સુપરસ્ટારના ઘર પર પથ્થરમારો કર્યો હતો. બાળકોને ઘરથી દૂર બીજે મોકલ્યા આ ઘટના બાદ સુપરસ્ટાર અલ્લુ અર્જુન પોતાના બાળકોને લઈને સુરક્ષિત જગ્યાએ પહોંચી ગયો છે. તો બીજી તરફ અલ્લુના પિતા અલ્લુ અરવિંદે કાયદામાં વિશ્વાસ વ્યક્ત કર્યો હતો અને કહ્યું હતું કે તેમને ખાતરી છે કે કાયદો પોતાની રીતે કામ કરશે. આ સમયે તે અને તેનો સમગ્ર પરિવાર સંયમ રાખવા માંગે છે. અલ્લુ અર્જુને ચાહકોને ખાસ અપીલ કરી સોશિયલ મીડિયા પર એક પોસ્ટ શેર કરીને અલ્લુ અર્જુને તેના ચાહકોને કોઈપણ પ્રકારના વિવાદમાં ન પડવાની અપીલ કરી હતી. તેણે તેના ચાહકોને સોશિયલ મીડિયા પર કોઈપણ પ્રકારના વાંધાજનક વર્તનથી દૂર રહેવા જણાવ્યું હતું. None
What’s New
Spotlight
Advertisement
Featured News
Latest From This Week
Popular News
