NEWS
ಡಿಕೆ ಶಿವಕುಮಾರ್ ಮತ್ತು ಸಿಟಿ ರವಿ ಮಂಡ್ಯ: ಈ ಬಾರಿ ಚಳಿಗಾಲದ ಅಧಿವೇಶನದ (Winter Session) ಕಾವು ಜೋರಾಗಿದೆ. ಹಲವು ಪ್ರತಿಭಟನೆ, ಲಾಠಿ ಚಾರ್ಜ್ ನಡುವೆ ಇದೀಗ ರಾಜ್ಯ ರಾಜಕಾರಣದಲ್ಲಿ ಭಾರಿ ಸಂಚಲನ ಸೃಷ್ಟಿಸಿದೆ. ವಿಧಾನ ಪರಿಷತ್ನಲ್ಲಿ ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್ (Lakshmi Hebbalkar) ಅವರ ಬಗ್ಗೆ ಪರಿಷತ್ ಸದಸ್ಯ ಸಿ ಟಿ ರವಿ (CT Ravi) ಅವರು ಅಶ್ಲೀಲ ಪದ ಬಳಸಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಈ ಬಗ್ಗೆ ಎಫ್ಐಆರ್ (FIR) ದಾಖಲಾಗಿದ್ದು ಸಿ ಟಿ ರವಿ ಅವರನ್ನು ಪೊಲೀಸರು ಬಂಧಿಸಿ ಇದೀಗ ಕೋರ್ಟ್‌‌ನಲ್ಲಿ ವಿಚಾರಣೆ ನಡೆಯುತ್ತಿದೆ. ಇದೀಗ ಸಿಟಿ ರವಿ ಹೇಳಿಕೆ ಬಗ್ಗೆ, ಬಿಜೆಪಿ ನಡತೆ ಬಗ್ಗೆ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಹೇಳಿಕೆ ನೀಡಿದ್ದು, ಸಿಟಿ ರವಿ ನಡತೆ ಸರಿನಾ ತಪ್ಪಾ, ಅವರ ಪಕ್ಷದವರೇ ಹೇಳಲಿ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ಇವತ್ತೆ ನಿನ್ನ ಕೊನೆ ಆಗುತ್ತೆ ಎಂದ್ರಾ ಡಿ ಕೆ ಶಿವಕುಮಾರ್? ಸಿ ಟಿ ರವಿ ದೂರಿನಲ್ಲಿದೆ ಶಾಕಿಂಗ್ ವಿಚಾರ! ಚಿಕ್ಕಮಗಳೂರು ಅಲ್ಲ, ಇಂಡಿಯಾನೇ ಬಂದ್ ಮಾಡಲಿ; ಡಿಕೆ ಶಿವಕುಮಾರ್ ಮಂಡ್ಯದಲ್ಲಿ ಸಿಟಿ ರವಿ ಹೇಳಿಕೆ ಬಗ್ಗೆ, ಬಿಜೆಪಿ ವರ್ತನೆ ಬಗ್ಗೆ ಮಾತನಾಡಿದ ಉಪ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಹೇಳಿಕೆ ನೀಡಿದ್ದು, ರವಿ ನಡತೆ ಸರಿನಾ ತಪ್ಪಾ, ಅವ್ರ ಪಕ್ಷದವರೇ ಹೇಳಲಿ. ಚಿಕ್ಕಮಗಳೂರು ಅಲ್ಲ ಇಂಡಿಯಾನೇ ಬಂದ್ ಮಾಡಲಿ ಎಂದು ಹೇಳಿದ್ದಾರೆ. ಸದನದ ಜೊತೆಗೆ, ಹೆಣ್ಣುಕುಲಕ್ಕೆ ದೊಡ್ಡ ಅವಮಾನ. ಈ ರೀತಿ ಮಾತಾಡೋದು ಇದೇ ಮೊದಲಲ್ಲ, ಹಿಂದೆನೂ ಕೀಳಾಗಿ, ಚಿತ್ರನಟರು, ಶಾಸಕರು, ಸಿದ್ದರಾಮಯ್ಯ ಅವರನ್ನು ಸಿದ್ರಾಮುಲ್ಲ ಖಾನ್ ಅಂತಾನೂ ಕರೆದಿದ್ದಾರೆ. ಇವರ ನಡತೆ ಬಗ್ಗೆ ಇವರ ಪಕ್ಷದವರೇ ಸರಿನಾ? ತಪ್ಪಾ? ಅಂತ ಹೇಳಲಿ ಎಂದು ಹೇಳಿದ್ದಾರೆ.ಇನ್ನು ಚಿಕ್ಕಮಗಳೂರು ಬಂದ್ ಬಗ್ಗೆ ಮಾತನಾಡಿದ ಡಿಕೆಶಿ ಏನ್ ದೊಡ್ಡ ಘನ ಕಾರ್ಯ ಮಾಡಿದ್ದಾರೆ ಅಂತಾ ಬಂದ್ ಗೆ ಕರೆ ಕೊಟ್ಟಿದ್ದಾರೆ, ಎಷ್ಟು ಬೇಕಾದ್ರು ಬಂದ್ ಮಾಡ್ಕೊಳ್ಳಿ, ಯಾರು ಬೇಕಾದರು ಮಾಡಿಕೊಳ್ಳಲಿ ಎಂದು ಹೇಳಿದ್ದಾರೆ. ಡಿಕೆ ಶಿವಕುಮಾರ್ ಜೀವ ಬೆದರಿಕೆ ಹಾಕಿದ್ದಾರಾ? ಇನ್ನು ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಜೀವ ಬೆದರಿಕೆ ಮಾಡಿದ್ದಾರೆ ಎಂಬ ಬಿಜೆಪಿಯವರ ಆರೋಪದ ಬಗ್ಗೆ ಮಾತನಾಡಿದ ಡಿಕೆಶಿ ಜೀವ ಬೆದರಿಕೆ ಹಾಕೋಕೆ ನಾನು ಇರಲೇ ಇಲ್ಲ. ಅಸೆಂಬ್ಲಿಯಲ್ಲಿ ಸಿಎಂ ಕರೆಸಿದ್ರು ಅಂತಾ ನಾನು ಬಂದಿದ್ದೆ. ಬೇಕಿದ್ದರೆ ಜೀವ ಬೆದರಿಕೆ ಹಾಕಿದ್ರೆ ಇನ್ವೆಷ್ಟಿಗೇಷನ್ ಮಾಡಲಿ. ನಾನೇನು ಕಾನೂನಿನ ಮುಂದೆ ದೊಡ್ಡವನಲ್ಲ. ಜೀವಬೇದರಿಕೆ ಹಾಕಿದ್ರೆ ತನಿಖೆ ಮಾಡಿಸಲಿ ಎಂದು ಹೇಳಿದರು. ರಾಹುಲ್ ಗಾಂಧಿ ಅವ್ರನ್ನ ಡ್ರಗಿಸ್ಟ್ ಅಂತಾ ಹೇಳಿದ್ದನ್ನು ಎಲ್ಲದರಲ್ಲೂ ನಾನು ನೋಡಿದ್ದೀನಿ. ನಾನು ತಪ್ಪು ಮಾಡಿದ್ದೀನಿ ಅಂತಾ ಒಪ್ಪಿಕೊಳ್ಳಲಿ. ಆದರೆ ಒಂದು ಸುಳ್ಳು ಮುಂಚ್ಚಿಕೊಳ್ಳೋಕೆ ಹೋಗಿ ಪದೇ ಪದೇ ಯಾಕೆ ಸಿಕ್ಕಿಕೊಳ್ತೀರಿ. ಸುಳ್ಳಿಗೆ ಮತ್ತೊಂದು ಹೆಸರೇ ಸಿಟಿ ರವಿ ಎಂದು ಪರೋಕ್ಷವಾಗಿ ಡಿಕೆಶಿ ಹೇಳಿದ್ದಾರೆ. None
What’s New
Spotlight
Advertisement
Featured News
Latest From This Week
Popular News
