NEWS
ಉಪ್ಪಿ ಯುಐ ಚಿತ್ರದಲ್ಲಿ ಸನ್ನಿ ಲಿಯೋನ್ ಎಲ್ರೋ? ಇದೇ ಈಗ ಚರ್ಚೆಯ ಹಾಟ್ ಟಾಪಿಕ್! ಕನ್ನಡದ ಯುಐ ಚಿತ್ರದಲ್ಲಿ (UI Film) ನೀಲಿಲೋಕದ ಸನ್ನಿ ಲಿಯೋನ್ (Sunny Leon) ಇದ್ದಾರೆ. ಚಿತ್ರದ ಶೂಟಿಂಗ್ ಮುಗಿಸಿ ಹೋಗಿದ್ದಾರೆ. ಸನ್ನಿ ಪಾತ್ರ ಈ ಚಿತ್ರದಲ್ಲಿ ಸೂಪರ್ ಆಗಿಯೇ ಇದೆ. ಹೀಗೆ ಯುಐ ಚಿತ್ರ (UI Movie) ಬರೋ ಮೊದಲೇ ಒಂದು ಸುದ್ದಿ ಇತ್ತು. ಯುಐ ಚಿತ್ರದ ಮಾಹಿತಿಯನ್ನ ಚೆಕ್ ಮಾಡಿದ್ರೆ, ಅಲ್ಲೂ ಸನ್ನಿ ಲಿಯೋನ್ ಇದ್ದಾರೆ ಅನ್ನುವ ಮಾಹಿತಿ ಸಿಗುತ್ತದೆ. ಆ ಒಂದು ಖುಷಿಯಲ್ಲಿ ಸನ್ನಿ ಲಿಯೋನ್ (Sunny Leon) ನೋಡಿದ್ರಾಯಿತು ಅಂತ ಚಿತ್ರ ನೋಡೋಕೆ ಹೋದವ್ರಿಗೆ ನಿರಾಶೆ ಕಾದಿದೆ. ಕಾರಣ, ಇಡೀ 2 ಗಂಟೆ 12 ನಿಮಿಷದ ಚಿತ್ರದಲ್ಲಿ ಎಲ್ಲಿ ಹುಡುಕಿದರೂ ಸನ್ನಿ ಲಿಯೋನ್ ಕಾಣಿಸೋದೇ ಇಲ್ಲ. ಈ ಒಂದು ಯುಐ ಚಿತ್ರದಲ್ಲಿ ಸನ್ನಿ ಲಿಯೋನ್ ಮಿಸ್ ಆಗಿದ್ದಾರೆ. ಇದರ ಸುತ್ತ ಇಲ್ಲಿ ಒಂದು ಸ್ಟೋರಿ ಓದಿ. ಯುಐ ಚಿತ್ರದಲ್ಲಿ ಸನ್ನಿ ಎಲ್ರೋ ಯುಐ ಚಿತ್ರದಲ್ಲಿ ಹಲವು ಪಾತ್ರಗಳಿವೆ. ಈ ಪಾತ್ರಗಳನ್ನ ಯಾರೆಲ್ಲ ಮಾಡಿದ್ದಾರೆ ಅಂತ ಹೇಳೋದು ಕಷ್ಟ. ಅಷ್ಟು ವಿಭಿನ್ನವಾಗಿಯೇ ಬಹುತೇಕ ಪಾತ್ರಗಳು ಇಲ್ಲಿ ಕಾಣಿಸುತ್ತವೆ. ಆದರೆ, ಈ ಒಂದು ಚಿತ್ರದಲ್ಲಿ ಸನ್ನಿ ಲಿಯೋನ್ ಪಾತ್ರವೂ ಇದೆ ಅಂತಲೂ ಹೇಳಲಾಗಿತ್ತು. ಆ ಒಂದು ನಿರೀಕ್ಷೆಯಲ್ಲೂ ಅನೇಕ ಸನ್ನಿ ಲಿಯೋ ಫ್ಯಾನ್ಸ್ ಕಾಯುತ್ತಿದ್ದರು. ಆದರೆ, ಸನ್ನಿ ಪ್ರೇಮಿಗಳಿಗೆ ಉಪ್ಪಿ ಅದ್ಯಾಕೋ ನಿರಾಸೆ ಮಾಡಿದ್ದಾರೆ. ಸನ್ನಿ ಲಿಯೋನ್ ಪಾತ್ರವೇ ಎಲ್ಲೂ ಇಲ್ವೇ ಇಲ್ಲ. ಇಡೀ ಚಿತ್ರದಲ್ಲಿ ಎಲ್ಲಿ ಹುಡುಕಿದರೂ ಸನ್ನಿ ಲಿಯೋನ್ ಸಿಗ್ತಾನೇ ಇಲ್ಲ ನೊಡಿ. ಇದನ್ನೂ ಓದಿ: Kichcha Sudeep: ಐವರು ಹೀರೋಗಳಿಂದ ಕನ್ನಡ ಸಿನಿಮಾ ಇಂಡಸ್ಟ್ರಿ ಬೆಳೆಯೋದಿಲ್ಲ ಎಂದ ಕಿಚ್ಚ! ಈ ಮಾತೇಕೆ ಬಂತು? ಸನ್ನಿ ಲಿಯೋನ್ ರೋಲ್ ಕಟ್ ಆಯಿತೇ ಸನ್ನಿ ಲಿಯೋನ್ ಕನ್ನಡದ ಯುಐ ಚಿತ್ರದಲ್ಲಿ ನಟಿಸಿದ್ದಾರೆ. ಶೂಟಿಂಗ್ ಟೈಮ್‌ನ ಒಂದು ಫೋಟೋ ಕೂಡ ಇದೆ. ಪೋಸ್ಟರ್ ಕೂಡ ಇದೆ ಬಿಡಿ. ಆದರೆ, ಈ ಒಂದು ಫೋಟೋವನ್ನ ಶೇರ್ ಮಾಡಿಕೊಂಡ ಅನೇಕರು ಕೇಳ್ತಿರೋ ಪ್ರಶ್ನೆ ಒಂದೇ ಆಗಿದೆ. ಎಲ್ರೋ ಸನ್ನಿ ಲಿಯೋನ್ ಅನ್ನೋದೇ ಆಗಿದೆ. ಹೌದು, ಇಡೀ ಚಿತ್ರದಲ್ಲಿ ಎಲ್ಲರೂ ಇದ್ದಾರೆ. ಆದರೆ, ಸನ್ನಿ ಲಿಯೋನ್ ಇಲ್ವೇ ಅಂತ ಕೇಳಿಕೊಳ್ಳುತ್ತಿದ್ದಾರೆ. ಇದಕ್ಕೆ ಉತ್ತರ ಕೊಡುವವರು ಯಾರು? ಬಹುಶಃ ಚಿತ್ರದ ಸನ್ನಿ ಪಾತ್ರವನ್ನ ಎಡಿಟ್ ಮಾಡಿರಬಹುದು. ಅದಕ್ಕೇನೆ ಈ ಒಂದು ಪಾತ್ರ ಮಿಸ್ ಆಗಿದೆ ಅಂತಲೂ ಹೇಳಬಹುದೋ ಏನೋ? ಸದ್ಯಕ್ಕೆ ಗೊತ್ತಿಲ್ಲ ಬಿಡಿ. ಸನ್ನಿ ಇಲ್ಲದ ಯುಐ ಸಿನಿಮಾ ಯುಐ ಚಿತ್ರದಲ್ಲಿ ಸಾಕಷ್ಟು ವಿಷಯ ಇದೆ. ಸಿನಿಮಾ ನೋಡಿದವ್ರು ತುಂಬಾನೆ ಮೆಚ್ಚಿಕೊಂಡಿದ್ದಾರೆ. ಎರಡನೇ ಸಲ ನೋಡ್ಬೇಕು ಅಂತಲೂ ಹೇಳಿ ಹೋಗುತ್ತಿದ್ದಾರೆ. ಆದರೆ, ಇದರ ಬೆನ್ನಲ್ಲಿಯೇ ಸನ್ನಿ ಲಿಯೋನ್ ಪಾತ್ರದ ಕುರಿತು ಚರ್ಚೆ ಶುರು ಆಗಿದೆ. ಇದರ ಜೊತೆಗೆ ಸೋಷಿಯಲ್ ಮೀಡಿಯಾದಲ್ಲಿ ಆ ಒಂದು ಫೋಟೋ ಕೂಡ ಶೇರ್ ಆಗಿದೆ. ಸನ್ನಿ ಲಿಯೋನ್ ಜೊತೆಗೆ ಉಪೇಂದ್ರ ಇರೋ ಈ ಒಂದು ಫೋಟೋ ಹೆಚ್ಚು ಗಮನ ಸೆಳೆಯುತ್ತಿದೆ. ಶೂಟಿಂಗ್ ಸಮಯದಲ್ಲಿಯೇ ತೆಗೆದ ಈ ಒಂದು ಫೋಟೋವನ್ನ ಶೇರ್ ಮಾಡ್ತಿರೋ ಸನ್ನಿ ಫ್ಯಾನ್ಸ್, ಸನ್ನಿ ಲಿಯೋನ್ ಎಲ್ರೋ ಅಂತಲೇ ಕೇಳುತ್ತಿದ್ದಾರೆ. ಆದರೆ, ಇದಕ್ಕೆ ಸಿನಿಮಾ ತಂಡ ಏನ್ ಉತ್ತರ ಕೊಡುತ್ತದೆ ಅನ್ನೋದು ಸದ್ಯದ ಕುತೂಹಲವೇ ಆಗಿದೆ. ಯುಐ ಎರಡು ಸಲ ನೋಡ್ಬೇಕು ಯುಐ ಸಿನಿಮಾವನ್ನ ನೋಡಿದವ್ರು ಒಳ್ಳೆ ಅಭಿಪ್ರಾಯ ವ್ಯಕ್ತಪಿಡಿಸಿದ್ದಾರೆ. ಒಂದು ಸಲ ಅಲ್ಲ. ಎರಡು ಬಾರಿ ಈ ಚಿತ್ರ ನೋಡ್ಬೇಕು ಅಂತಲೂ ಕೆಲವ್ರು ಹೇಳುತ್ತಿದ್ದಾರೆ. ಕಾರಣ, ಈ ಚಿತ್ರ ಒಮ್ಮೆ ನೋಡಿದ್ರೆ ಅರ್ಥ ಆಗೋದಿಲ್ಲ ಅನ್ನೋ ಅಭಿಪ್ರಾಯವೂ ಬರ್ತಿದೆ. ಒಟ್ಟಾರೆ, ಯುಐ ಸಿನಿಮಾ ಹೊಸ ಕಿಚ್ಚು ಹೆಚ್ಚಿದೆ ಅಂತಲೂ ಹೇಳಬಹುದು. None
What’s New
Spotlight
Advertisement
Featured News
Latest From This Week
Popular News
