AUTOMOBILE
மஹிந்திரா & மஹிந்திரா நிறுவனம் தீபாவளி பண்டிகை சமயத்தில் வழங்கப்பட்டதை விட அதிகமான தள்ளுபடி மற்றும் பலன்களை ஆண்டு இறுதியான டிசம்பர் 2024-ல் வழங்குவதன் மூலம் மஹிந்திரா தார் 3-டோர் காரின் ஸ்டாக் இருப்பை குறைக்க பார்க்கிறது. மஹிந்திரா நிறுவனம் தார் 3-டோர் வெர்ஷனை இந்த டிசம்பர் மாதத்தில் ரூ. 3.06 லட்சம் வரையிலான தள்ளுபடிகள் மற்றும் பலன்களுடன் வழங்குகிறது. முன்னதாக மஹிந்திரா தார் 3-டோர் வெர்ஷன் கடந்த ஜூன் மற்றும் நவம்பர் மாதங்கள் இடையே மொத்தம் 6,500 யூனிட்ஸ்களுக்கு மேல் விற்பனையாகி சாதனை படைத்துள்ளது. தற்போது மேற்கண்ட தள்ளுபடி சலுகையின் மூலம் வரவிருக்கும் புதிய ஆண்டிற்கு முன் தார் 3-டோரின் MY2024 ஸ்டாக்கை குறைப்பதை நிறுவனம் நோக்கமாகக் கொண்டுள்ளது. இந்த லைஃப்ஸ்டைல் ஆஃப்-ரோடர் கார் மொத்தம் மூன்று எஞ்சின் ஆப்ஷன்களில் விற்கப்பட்டு வருகிறது. இதில் 152hp, 2.0-லிட்டர் டர்போ-பெட்ரோல் எஞ்சின், 132hp, 2.2-லிட்டர் டீசல் எஞ்சின் மற்றும் 119hp, 1.5 லிட்டர் டீசல் எஞ்சின் ஆகியவை அடங்கும். இந்த மூன்று எஞ்சின் ஆப்ஷன்களில் முதல் 2 எஞ்சின் ஆப்ஷன்கள் மேனுவல் அல்லது ஆட்டோமேட்டிக் கியர்பாக்ஸ் மற்றும் ஆப்ஷ்னல் 4×4 தொழில்நுட்பத்துடன் இணைக்கப்பட்டுள்ளன. அதே நேரம் 1.5 லிட்டர் டீசல் எஞ்சின் யூனிட்டானது மேனுவல் டிரான்ஸ்மிஷஷ் ஆப்ஷனுடன் மட்டுமே வருகிறது. இந்த டிசம்பர் மாதம் மஹிந்திராவின் தார் 3-டோர் வெர்ஷனுக்கு வழங்கப்படும் சலுகை விவரங்கள் குறித்து பார்க்கலாம். 3-டோர் மஹிந்திரா தார் காரின் 4WD வேரியன்ட்ஸ்களுக்கு இந்த மாதம் ரூ.3.06 லட்சம் வரை மொத்த தள்ளுபடிகள் மற்றும் பெனிஃபிட்ஸ் வழங்கப்பட்டு வருகிறது. இதில் இந்த ஆண்டு பிப்ரவரி மாதத்தில் அறிமுகப்படுத்தப்பட்ட தார் எர்த் எடிஷனுக்கே அதிகபட்சமாக ரூ.3.06 லட்சம் வரை தள்ளுபடி வழங்கப்படுகிறது. எர்த் எடிஷனில் தனித்துவமான மேட் ஷேட் உள்ளது, இதை மஹிந்திரா ‘டெசர்ட் ப்யூரி’ என்று குறிப்பிடுகிறது. மேலும் B–பில்லர்ஸ் மற்றும் ரியர் ஃபென்டர்களில் ஸ்பெஷல் ‘எர்த் எடிஷன்’ பேட்ஜ்களை நிறுவனம் வழங்கி உள்ளது. ஹை-ஸ்பெக் LX ஹார்ட்டாப் வேரியன்ட்டின் அடிப்படையில், எர்த் எடிஷனின் விலை ரூ.15.40 லட்சம் முதல் ரூ.17.60 லட்சம் வரை நிர்ணயம் செய்யப்பட்டுள்ளது. இதனிடையே 4WD ரேஞ்சின் ஸ்டாண்டார்ட் தார் மாடல் ரூ.1.06 லட்சம் வரை தள்ளுபடி பெறுகிறது. இதன் விலை ரூ.14.30 லட்சம் முதல் 17.20 லட்சம் வரை இருக்கிறது. டிசம்பர் 2024-ல் மஹிந்திரா தார் 2WD-க்கான ஆஃபர் விவரங்கள்: மஹிந்திரா தார் 3-டோரின் 2WD வெர்ஷன்களுக்கு இந்த டிசம்பரில் ரூ.1.31 லட்சம் தள்ளுபடி வழங்கப்படுகிறது. அதே நேரம் பெட்ரோலில் இயங்கும் மஹிந்திரா தார் 2WD வெர்ஷனுக்கு கடந்த மாதத்தை விட ரூ.31,000 கூடுதல் தள்ளுபடியை நிறுவனம் வழங்குகிறது. இதனிடையே டீசல் 2WD வெர்ஷன்களுக்கு இந்த மாதம் வழங்கப்படும் பெனிஃபிட்ஸ்களின் மதிப்பு ரூ.56,000 ஆகும். தார் 2WD ரேஞ்ச் தற்போது ரூ.11.35 லட்சம் முதல் ரூ.14.10 லட்சம் வரையிலான விலையில் கிடைக்கிறது. None
What’s New
Spotlight
Advertisement
Featured News
Latest From This Week
Popular News
