AUTOMOBILE
நடப்பாண்டு முடிய இன்னும் சில வாரங்களே உள்ள நிலையில் முன்னணி கார் தயாரிப்பு நிறுவனமாக இருக்கும் ஹூண்டாய், இந்த 2024-ஆம் ஆண்டில் இந்திய வாடிக்கையாளர்களிடமிருந்து அமோக வரவேற்பை பெற்றுள்ளது. கடந்த மாதம் அதாவது நவம்பர் 2024-ல் மொத்தம் 61,252 யூனிட்ஸ்கள் விற்பனையாகி நிறுவனத்தின் கார்களுக்கு நல்ல வரவேற்பு கிடைத்துள்ளதாக ஹூண்டாய் மோட்டார் இந்தியா லிமிடெட் (HMIL) நிறுவனம் தகவல் தெரிவித்துள்ளது. கடந்த நவம்பர் மாதத்தில் மொத்த விற்பனை 61,252 யூனிட்ஸ்களாக பதிவாகி உள்ள நிலையில் அதிகாரப்பூர்வ வெளியீடு மூலம் நிறுவனம் பகிர்ந்துள்ள விவரங்களின்படி, இதில் இந்தியாவில் மட்டுமே 48,246 யூனிட்ஸ்கள் விற்பனை செய்யப்பட்டு உள்ளதாகவும், வெளிநாடுகளுக்கு 13,006 யூனிட்ஸ்கள் ஏற்றுமதி செய்யப்பட்டுள்ளதாகவும் HMIL நிறுவனம் கூறி இருக்கிறது. இதனிடையே நிறுவனம் நடப்பாண்டில் ஜனவரி முதல் நவம்பர் வரையிலான 11 மாதங்களில் ஒட்டுமொத்தமாக (உள்நாட்டு + ஏற்றுமதி) 7,09,041 யூனிட்ஸ்களை விற்பனை செய்துள்ளதும் குறிப்பிடத்தக்கது. இந்த விற்பனைகள் குறித்து கருத்து தெரிவித்துள்ள நிறுவனத்தின் இயக்குநரும், தலைமை இயக்க அதிகாரியுமான தருண் கர்க் “எங்கள் மொத்த உள்நாட்டு விற்பனையில் SUV-க்கள் 68.8% பங்களிப்போடு, நவம்பரிலும் தொடர்ந்த SUV ஆதிக்கம் காரணமாக எங்கள் விற்பனை எண்ணிக்கை வலுவாக இருந்தது. நவம்பரில் 22.1% என்ற மிக உயர்ந்த மாதாந்திர கிராமப்புற பங்களிப்பு மூலம், இந்தியாவில் எங்கள் இருப்பு மேலும் வலுவாகி இருக்கிறது. அதே போல எங்களின் புதுமையான ஹை-சிஎன்ஜி தொழில்நுட்பம் நவம்பர் 2024-ல் 14.4% பங்களிப்புடன் எங்களின் சிஎன்ஜி விற்பனையை தொடர்ந்து வலுப்படுத்தி இருக்கிறது” என்றார். இதனிடையே ஹூண்டாய் இந்தியா நிறுவனம் அதன் பிரபல மாடலாக இருக்கும் க்ரெட்டாவை எலக்ட்ரிக் வெர்ஷனில் அறிமுகப்படுத்த தயாராகி வருகிறது. நிறுவனம் இதுவரை வெளியீடு தொடர்பான எந்த விவரங்களையும் பகிர்ந்து கொள்ளவில்லை. எனினும் இந்த மாடல் அடுத்த ஆண்டு தொடக்கத்தில் மார்கெட்டிற்கு வரலாம் என்று சில தகவல்கள் தெரிவிக்கின்றன. வரவிருக்கும் Creta EV-ஆனது அதிகாரப்பூர்வ வெளியீட்டிற்கு முன்னதாக, சோதனைக் கட்டத்தில் உளவு பார்க்கப்பட்டது. இது அந்த வாகனம் பற்றிய பல விவரங்களை வெளிப்படுத்தியுள்ளது. வெளியான ஸ்பை ஷாட்களின்படி, பேட்டரி மூலம் இயங்கும் இந்த வெர்ஷன் ICE மாடலின் அதே ஸ்டைல் ஸ்டேட்மென்ட்டை கொண்டிருக்கும் என தெரிகிறது. எனினும் வாடிக்கையாளர்கள் எக்ஸ்டீரியர் மற்றும் இன்டீரியரில் சிறிய காஸ்மெட்டிக் அப்கிரேட்ஸ்களை எதிர்பார்க்கலாம். மேலும் Creta EV மாடல் 45Wh முதல் 65kWh வரையிலான பேட்டரி பேக்குடன் வரும் என்று எதிர்பார்க்கப்படுகிறது, மேலும் 550km-க்கும் அதிகமான ரேஞ்சை அளிக்க கூடும் என்றும் கூறப்படுகிறது. None
What’s New
Spotlight
Advertisement
Featured News
Latest From This Week
Popular News
