AUTOMOBILE
டொயோட்டா கிர்லோஸ்கர் மோட்டார் கடந்த டிசம்பர் 11 அன்று டொயோட்டா கேம்ரி (9வது ஜெனரேஷன்) மாடலை இந்தியாவில் ரூ.48 லட்சம் (எக்ஸ்-ஷோரூம்) விலையில் அறிமுகப்படுத்தியுள்ளது. ஏற்கனவே விற்பனைக்கு இருக்கும் மாடல் ரூ.46.17 லட்சம் (எக்ஸ்-ஷோரூம்) விலையில் விற்கப்படும் நிலையில், இந்த புதிய மாடல் ரூ.1.83 லட்சம் கூடுதல் விலைக்கு விற்பனைக்கு வருகிறது. டொயோட்டா கேம்ரி ஆரம்பத்தில் 2002 இல் இந்திய சந்தையில் அறிமுகப்படுத்தப்பட்டது. இதன் ஹைப்ரிட் எலக்ட்ரிக் காரின் உள்ளூர் உற்பத்தி 2013 இல் தொடங்கியது. பின்னர், இதன் முழு மாடலையும் 2019 இல் மாற்றம் செய்தார்கள். இப்போது, டொயோட்டா கேம்ரியின் 9வது ஜெனரேஷன் இந்தியாவில் அறிமுகப்படுத்தப்பட்டுள்ளது. டொயோட்டா நிறுவனம் கூறியதுபோல், டொயோட்டா கேம்ரி 2024 மாடல் மேம்பட்ட 5-வது ஜெனரேஷன் ஹைப்ரிட் மின்சார அமைப்புடன் வந்திருக்கிறது. இது 2.5 லிட்டர் எஞ்சினுடன், 230 ஹெச்பி ஆற்றலைக் கொண்டுள்ளது. அதுமட்டுமின்றி, இதன் செடான் வகை மாடல்கள் ஈக்கோ, ஸ்போர்ட் மற்றும் நார்மல் டிரைவ் ஆகிய மூன்று மோடுகளுடன் வந்துள்ளது. எரிபொருள் திறனைப் பொறுத்தவரையில், முந்தைய தலைமுறை கேம்ரி ஹைப்ரிட், லிட்டருக்கு 19.1 கிமீ வரை தந்ததாக கூறப்படும் நிலையில், தற்போதைய புதிய மாடல் 25.49 கிமீ வரை கொடுப்பதாக நிறுவனம் கூறுகிறது. இந்த புதிய டொயோட்டா கேம்ரி, புதிய எல்இடி ஹெட்லேம்ப்கள் மற்றும் எல்இடி டெயில்லேம்ப்களுடன் புதுப்பிக்கப்பட்ட முன் மற்றும் பின்புறத்துடன் வருகிறது. இதன் கிரில் மற்றும் பம்ப்பர்களும் மறுவடிவமைப்பு செய்யப்பட்டுள்ளன. புதிய 18-இன்ச் அலாய்கள் மற்றும் பனோரமிக் சன்ரூஃப் ஆகியவை இதில் இடம்பெற்றுள்ளது. கேபினுக்குள், 10-வே பவர்-அட்ஜஸ்ட்டபிள் முன் இருக்கைகள், 12.3-இன்ச் டிஜிட்டல் எம்ஐடி, வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளேயுடன் கூடிய 12.3 இன்ச் டச்ஸ்கிரீன் இன்ஃபோடெயின்மென்ட் சிஸ்டம், 9 ஸ்பீக்கர் ஜேபிஎல் ஆடியோ சிஸ்டம் மற்றும் 3 ஜோன் ஆட்டோமேட்டிக் கிளைமேட் கன்ட்ரோல் போன்ற அம்சங்கள் இடம்பெற்றுள்ளது. 2024 டொயோட்டா கேம்ரி ஹெட்-அப் டிஸ்ப்ளே, வயர்லெஸ் சார்ஜர் மற்றும் 360 டிகிரி கேமராவையும் வழங்குகிறது. இந்த கார், டொயோட்டா சேஃப்டி சென்ஸ் 3.0 ஏடிஏஎஸ் (ADAS) மற்றும் ஒன்பது ஏர்பேக்குகளுடன் வருகிறது. டொயோட்டா ஐகனெக்ட் (Toyota iConnect) உடன், புதிய டொயோட்டா கேம்ரி பல முன் இணைக்கப்பட்ட கார் அம்சங்களையும் கொண்டுள்ளது. இந்த காருக்கான முன்பதிவு தொடங்கியிருக்கும் நிலையில், கார்கள் தற்போது டீலர்ஷிப்களுக்கு அனுப்பப்பட்டு வருகிறது, எனவே விரைவில் டெலிவரி தொடங்கும் என நிறுவனம் தெரிவித்துள்ளது. None
What’s New
Spotlight
Advertisement
Featured News
Latest From This Week
Popular News
