NEWS
২০২২ৰ এডিলেইডৰ সেই নিশাটোৰ কথা এতিয়াও পাহৰিব পৰা নাই তেওঁ। এনেধৰণৰে টি-২০ বিশ্বকাপৰ ছেমি ফাইনেলত ইংলেণ্ডৰ বিৰুদ্ধে পৰাস্ত হৈ ট্ৰফী জয়ৰ সপোন ভাঙিছিল টীম ইণ্ডিয়াৰ। মনৰ ভিতৰত থুপ খাই থকা সেই ক্ষোভ দেখা গ’ল গায়ানাত। টি-২০ বিশ্বকাপৰ ফাইনেলত সেই ইংলেণ্ডক পৰাস্ত কৰি প্ৰতিশোধ ল’লে ৰোহিত শৰ্মাই। মেচৰ শেষত কান্দি উঠিল ভাৰতীয় অধিনায়কজন। বৰ্ষাবিঘ্নিত খেলখনত প্ৰথমে বেট হাতত লৈ দলক নেতৃত্ব দিছিল ৰোহিত শৰ্মাই। ৩৯ বলত ৫৭ ৰানৰ ইনিংছ। সূৰ্যকুমাৰ যাদৱৰ সৈতে ৭৩ ৰানৰ যুটিয়ে মেচখনক এক সুন্দৰ পৰ্যায়ত উপনীত কৰায়। ১৭১ ৰান যে ইমান সহজ নহ’ব সেয়া ভালকৈ বুজি পাইছিল হেটমেনে। বাকী কামখিনি কৰি পেলালে অক্ষৰ পেটেল, কুলদীপ যাদৱ, জছপ্ৰীত বুমৰাহে। ৬৮ ৰানত মেচখন জয়লাভ কৰি নিজৰ আবেগ ধৰি ৰাখিব নোৱাৰিলে ৰোহিত শৰ্মাই। Emotional Rohit Sharma after qualifying into the final. ❤️ pic.twitter.com/XBv30UVixW মেচৰ শেষত ভাৰতীয় ক্ৰিকেটাৰসকলে যেতিয়া ড্ৰেছিং ৰুমত সোমাইছিল তেতিয়াই বাহিৰৰ এখন চকীত বহি পৰে ৰোহিত শৰ্মা। তেওঁৰ চকুত চকুপানী। বাওঁহাতেৰে চকুপানী মচা দেখা গ’ল ৰোহিতক। তাৰ পিছত যি দৃশ্য দেখা গ’ল সেই দৃশ্যই আবেগিক কৰি তুলিলে ক্ৰিকেট অনুৰাগীসকলক। সন্মুখত বিৰাট কোহলী। তেওঁ বিশ্বকাপত ব্যৰ্থ। সেই কোহলীয়ে ৰোহিতৰ ওচৰলৈ আহি তেওঁক হঁহুওৱাৰ চেষ্টা কৰিছে। কোহলীৰ চেষ্টাত হাঁহি দেখা গ’ল ৰোহিতৰ মুখত। ৰোহিত-কোহলীৰ সম্পৰ্কৰ তিক্ততাক লৈ নানা চৰ্চা চলিলেও এই দৃশ্যই মন চুই গ’ল সকলোৰে। ছুপাৰ এইটত অষ্ট্ৰেলিয়াৰ বিৰুদ্ধে বিগত বছৰৰ ১৯ নৱেম্বৰৰ অ’ডিআই বিশ্বকাপ ফাইনেলৰ পৰাজয়ৰ পোতক তুলিছে ভাৰতে। ইংৰাজ বাহিনীৰ বিৰুদ্ধে প্ৰতিশোধ লৈ ভাৰতে দেখুৱাই দিলে নিজৰ শক্তি। এতিয়া সন্মুখত কেৱল দক্ষিণ আফ্ৰিকা। কাইলৈ টি-২০ বিশ্বকাপৰ ফাইনেল। অপেক্ষাত সমগ্ৰ দেশ। None
What’s New
Spotlight
Advertisement
Featured News
Latest From This Week
Popular News
