NEWS
Team India Victory Parade: টি-২০ বিশ্বকাপ ২০২৪ জিকাৰ পিছত বৃহস্পতিবাৰে দেশলৈ উভতিছে টীম ইণ্ডিয়াৰ খেলুৱৈসকল। প্ৰথমে দিল্লী আৰু তাৰ পিছত মুম্বাইত উষ্ম আদৰণি জনোৱা হয় টীম ইণ্ডিয়াক। প্ৰধানমন্ত্ৰী নৰেন্দ্ৰ মোদীক সাক্ষাৎ কৰি মুম্বাইত উপস্থিত হোৱা ভাৰতীয় ক্ৰিকেটাৰসকলে মুম্বাইত এক ৰোড শ্ব’ কৰে, য’ত লক্ষাধিক লোকে অংশগ্ৰহণ কৰে। ক্ৰিকেটৰ সাগৰত বুৰ গ’ল সমগ্ৰ মুম্বাই। ক্ৰিকেটাৰসকলে এখন খোলা বাছত থিয় হৈ নাৰীমন পইণ্টৰ পৰা ৱাংখেৰেত উপস্থিত হয়। ভাৰতীয় ক্ৰিকেট দলক ৱাংখেৰেত সন্মানিত কৰা হয়। এই উপলক্ষে সমগ্ৰ ষ্টেডিয়াম দৰ্শকেৰে ভৰি পৰিছিল। টীম ইণ্ডিয়াই ট্ৰফীৰ সৈতে খেলপতাৰৰ চাৰিওফালে প্ৰদক্ষিণ কৰে। ষ্টেডিয়ামত উচ্চস্বৰত বাজি উঠিছিল ‘মা তুঝে ছালাম’। খেলপথাৰৰ চাৰিওফালে খোজ কাঢ়ি কাঢ়ি সমগ্ৰ দলটোৱে একেলগে গাইছিল ‘মা তুঝে ছালাম’। वंदे मातरम 🇮🇳 pic.twitter.com/j5D4nMMdF9 বিচিচিআয়ে ছচিয়েল মিডিয়াত এই ভিডিঅ’ শ্বেয়াৰ কৰিছে। এই ভিডিঅ’ত সমগ্ৰ দলটোৱে এই গীত গোৱা দেখা গৈছে। টি-২০ বিশ্বকাপৰ ফাইনেলত দলক সন্মুখৰ পৰা নেতৃত্ব দিয়া বিৰাট কোহলী আৰু হাৰ্দিক পাণ্ডিয়াই এই গানটো দলক নেতৃত্ব দিছিল। অধিনায়ক ৰোহিত শৰ্মা, কুলদীপ যাদৱ, অক্ষৰ পেটেল, য়ুজবেন্দ্ৰ চহল, বিৰাট কোহলী আৰু পাণ্ডিয়াৰ পিছত দ্বিতীয় শাৰীত দেখা গৈছিল বাকী খেলুৱৈসকলক। ভাৰতীয় দলে ২৯ জুনত দক্ষিণ আফ্ৰিকাক পৰাস্ত কৰি বিশ্বকাপ জয় কৰিছিল। ফাইনেলত বিৰাট কোহলীয়ে সৰ্বাধিক ৭৬ ৰান সমগ্ৰহ কৰিছিল। হাৰ্দিক পাণ্ডিয়াই সৰ্বাধিক তিনিটা উইকেট দখল কৰিছিল। ভাৰতে দ্বিতীয়বাৰৰ বাবে টি-২০ বিশ্বকাপ দখল কৰিলে। ইয়াৰ পূৰ্বে ২০০৭ চনত এম এছ ধোনীৰ নেতৃত্বত জয়লাভ কৰিছিল। None
What’s New
Spotlight
Advertisement
Featured News
Latest From This Week
Popular News
