NEWS
হোজাইত আৰক্ষী আৰু গো-মাফিয়াৰ গুলীয়াগুলি। আৰক্ষীৰ গুলীত আহত কুখ্যাত গো-মাফিয়া। সংঘৰ্ষত আহত বজেন্দ্ৰ কাকতি নামৰ এজন কনিষ্টবল। সময় তেতিয়া পুৱতি নিশা ৪ বাজিছিল। তেনে সময়তে হোজাইৰ উদালি আৰক্ষীলৈ এখন ছুইফ্ট বাহনত চাৰি যুৱকে চোৰাং গৰু সৰবৰাহ কৰাৰ খবৰ আহে। পাছত হোজাইৰ শংকৰদেৱ নগৰত নিয়মীয়া তালাচীত বাহনখন ৰখাবলৈ নিৰ্দেশ দিয়ে যদিও আৰক্ষীৰ বেৰিকেড ভাঙি পলায়নৰ চেষ্টা কৰে গৰু সৰবৰাহকাৰীয়ে। পাছত আৰক্ষীয়ে খেদি খেদি বাহনখন কৰায়ত্ত কৰে। বাহনখন কৰায়ত্ত কৰাৰ লগতে ঘটনাস্থলীৰ পৰা পলায়ন কৰে ৩ সৰবৰাহকাৰী। আন এটা সৰবৰাহকাৰীক আটক কৰিবলৈ লওঁতে আৰক্ষীলৈ লক্ষ্য কৰি দুই জাঁই গুলী চলায়। লগে লগে আৰক্ষীয়েও আত্মৰক্ষাৰ বাবে দুই জাঁই গুলীচালনা কৰে। আৰু পঢ়ক: এংকৰ আৰু অভিনেত্ৰীৰ ফটো ব্যৱহাৰ কৰি চাইবাৰ অপৰাধীৰ ধন লুট! এংকৰ আৰু অভিনেত্ৰীৰ ফটো দেখুৱাই নৈশ যাপনৰ প্ৰস্তাৱেৰে লুণ্ঠন চলোৱা চক্ৰৰ বিৰুদ্ধে CIDৰ অভিযান! আৰক্ষীৰ গুলীত আহত হয় আজাৰুল ইছলাম নামৰ এটা কুখ্যাত গৰু সৰবৰাহকাৰী। সোঁ ভৰিত গুলীবিদ্ধ হোৱা আজাৰুল ইছলামৰ পৰা আৰক্ষীয়ে জব্দ কৰে এটা 7.65 mm পিষ্টল, দুটা খালী খাটিৰ্জ আৰু দুটা সক্ৰিয় গুলী। আজাৰুল ইছলামৰ ঘৰ নগাঁৱৰ ৰূপহীত। আৰু পঢ়ক: ২০২৫ বৰ্ষৰ চৰকাৰী বন্ধৰ তালিকা প্ৰকাশ, চাওক কিমান দিন বন্ধ থাকিব অসমৰ চৰকাৰী কাৰ্যালয়? ইফালে ভয়ংকৰ সংঘৰ্ষত আহত হয় বজেন্দ্ৰ কাকতি নামৰ এজন কনিষ্টবল। উল্লেখ্য যে দীৰ্ঘদিন ধৰি হোজাইৰ বিভিন্ন অঞ্চলত গৃহস্থৰ গোহালীৰ লগতে পথাৰত এৰাল দিয়া গৰু চুৰিৰে একপ্ৰকাৰ সন্ত্ৰাস সৃষ্টি কৰি আহিছিল আজাৰুল ইছলাম আৰু গেঙে। সম্প্ৰতি নগাঁৱৰ চিকিৎসালয়ত চিকিৎসাধীন হৈ আছে গুলীবিদ্ধ আজাৰুল ইছলাম। আনহাতে পলাতক তিনি গৰু সৰবৰাহকাৰীক বিচাৰি হোজাই আৰক্ষীয়ে অব্যাহত ৰাখিছে অভিযান। None
What’s New
Spotlight
Advertisement
Featured News
Latest From This Week
Popular News
