NEWS
হাৰিয়ানাৰ প্ৰাক্তন মুখ্যমন্ত্ৰী তথা INLDৰ মুৰব্বী ওম প্ৰকাশ চৌটালা (OP Chautala Died)ৰ দেহাৱসান হয়। গুৰুগ্ৰামৰ এখন হাস্পতালত শেষ নিশ্বাস ত্যাগ কৰে ওম প্ৰকাশ চৌটালাই। মৃত্যুৰ সময়ত তেওঁৰ বয়স আছিল ৮৯ বছৰ। মুখ্যমন্ত্ৰী নয়ব সিং ছাইনীয়ে প্ৰাক্তন মুখ্যমন্ত্ৰী ওমপ্ৰকাশ চৌটালাৰ মৃত্যুৰ কথা নিশ্চিত কৰি কয় যে, “হাৰিয়ানাৰ ৰাজনীতিত ওম প্ৰকাশ চৌটালাৰ অৱদান সদায় স্মৰণীয় হৈ থাকিব।” আনহাতে, শনিবাৰে পুৱা ৮:০০ বজাৰ পৰা চৌটালা গাঁৱৰ তেওঁৰ ফাৰ্ম হাউচত অনুৰাগীৰ বাবে শেষ দৰ্শনৰ বাবে ৰখা হ’ব ওমপ্ৰকাশ চৌটালাৰ নশ্বৰ দেহ। তাৰ পিছত শনিবাৰে বিয়লি ৩:০০ বজাত তেওঁৰ অন্ত্যেষ্টিক্ৰিয়া চৌতলা গাঁৱত সম্পন্ন কৰা হ’ব। খবৰ অনুসৰি, কিছুদিন গুৰুগ্ৰামত বসবাস কৰি আছিল প্ৰাক্তন মুখ্যমন্ত্ৰী অ’ পি চৌটালাই। এই সময়ছোৱাত শুকুৰবাৰে পুৱা প্ৰায় ১১:৩০ বজাত তেওঁক গুৰুৰগ্ৰামৰ মেদান্তা হাস্পতাললৈ অনা হয় আৰু ইয়াতে দুপৰীয়া ১২ বজাত শেষ নিশ্বাস ত্যাগ কৰে। অৱশ্যে তেওঁ সুস্থ আছিল। কিন্তু উশাহ-নিশাহ লোৱাত অসুবিধাৰ বাবে তেওঁক চিকিৎসালয়লৈ লৈ যোৱা হয়। হাৰিয়ানাৰ প্ৰাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্ৰী মনোহৰ লাল খট্টৰে তেওঁৰ মৃত্যুত শোক প্ৰকাশ কৰে। প্ৰয়াত চৌধুৰী ওমপ্ৰকাশ চৌটালাৰ জন্ম হৈছিল ১৯৩৫ চনৰ ১ জানুৱাৰীত হাৰিয়ানাৰ ছিৰছাৰ ডাবৱালীৰ চৌটালা গাঁৱত। তেখেতৰ জন্ম হৈছিল সিহাগ গোত্ৰৰ জাট পৰিয়ালত। ভাৰতৰ প্ৰাক্তন উপ-প্ৰধানমন্ত্ৰী দেৱী লালৰ জ্যেষ্ঠ পুত্ৰ। চৌতালা পাঁচবাৰ হাৰিয়ানাৰ মুখ্যমন্ত্ৰী হিচাপে কাৰ্যনিৰ্বাহ কৰিছিল। চৌটালা ১৯৮৯ চনৰ ২ ডিচেম্বৰত প্ৰথমবাৰৰ বাবে মুখ্যমন্ত্ৰী হোৱাৰ লগতে ১৯৯০ চনৰ ২২ মে’লৈকে এই পদত থাকে। ১৯৯০ চনৰ ১২ জুলাইত চৌতলাই দ্বিতীয়বাৰৰ বাবে মুখ্যমন্ত্ৰী হিচাপে শপত গ্ৰহণ কৰে, তেতিয়াৰ মুখ্যমন্ত্ৰী বেনাৰসী দাস গুপ্তাক দুমাহৰ ভিতৰত পদৰ পৰা অপসাৰণ কৰা হয়। অৱশ্যে চৌতালাইও পাঁচ দিনৰ মূৰত পদৰ পৰা পদত্যাগ কৰিবলগীয়া হয়। ১৯৯১ চনৰ ২২ এপ্ৰিলত চৌটালাই তৃতীয়বাৰৰ বাবে মুখ্যমন্ত্ৰীৰ দায়িত্ব লয় যদিও দুসপ্তাহৰ পিছত কেন্দ্ৰীয় চৰকাৰে ৰাজ্যখনত ৰাষ্ট্ৰপতিৰ শাসন জাপি দিয়ে। পৃথককৈ নিজা দল গঠন ১৯৯৬ চনৰ লোকসভা নিৰ্বাচনৰ পিছত তেওঁ হাৰিয়ানা লোকদল (ৰাষ্ট্ৰীয়) নামেৰে এটা নতুন দল গঠন কৰে। ১৯৯৮ চনত মধ্যকালীন লোকসভা নিৰ্বাচনত বিএছপিৰ সৈতে মিত্ৰতা কৰি হাৰিয়ানাত ৫খন লোকসভাৰ আসন লাভ কৰিছিল। ইয়াৰ পিছত তেওঁৰ দলটোৱে স্বীকৃতি লাভ কৰে। ইয়াৰ পিছত তেওঁৰ দলৰ নাম সলনি কৰি ভাৰতীয় জাতীয় লোকদল (INLD) কৰা হয়। ১৯৯৯ চনৰ ২৪ জুলাইত চতুৰ্থবাৰৰ বাবে চৌটালাই মুখ্যমন্ত্ৰী পদ গ্ৰহণ কৰে আৰু ১৯৯৯ চনৰ ডিচেম্বৰ মাহত তেওঁ বিধানসভা ভংগ কৰে আৰু বিধানসভা নিৰ্বাচনৰ পিছত ২০০০ চনৰ ২ মাৰ্চত চৌটালা পঞ্চমবাৰৰ বাবে মুখ্যমন্ত্ৰী হয়। ইয়াৰ পিছত চৌটালা পাঁচ বছৰ মুখ্যমন্ত্ৰী হৈ থাকিল। কিন্তু তাৰ পিছত হাৰিয়ানাত কেতিয়াও আইএনএলডি চৰকাৰ গঠন নহ’ল। ২০০৪ চনৰ পৰাই চৌতলাৰ দল ক্ষমতাৰ বাহিৰত আছিল। গুৰুত্বপূৰ্ণ কথাটো হ’ল জেবিটিৰ শিক্ষক নিযুক্তিৰ ক্ষেত্ৰতো আদালতে তেওঁক শাস্তি প্ৰদান কৰিছিল আৰু তেওঁ জেলত আছিল। মনোহৰ লাল খট্টৰৰ শোক প্ৰকাশ কেন্দ্ৰীয় মন্ত্ৰী মনোহৰ লাল খট্টৰে কয় যে, “হাৰিয়ানাৰ প্ৰাক্তন মুখ্যমন্ত্ৰী, আইএনএলডিৰ মুৰব্বী শ্ৰী ওম প্ৰকাশ চৌটালাৰ মৃত্যুৰ দুখজনক খবৰ পাইছো। ৰাজ্যৰ বিকাশৰ ক্ষেত্ৰত তেওঁৰ গুৰুত্বপূৰ্ণ অৱদান সদায় স্মৰণীয় হৈ থাকিব। এই শোকৰ সময়ত শোকসন্তপ্ত পৰিয়ালবৰ্গৰ সৈতে মোৰ সমবেদনা জ্ঞাপন কৰিছোঁ। ভগৱানৰ ওচৰত প্ৰাৰ্থনা জনাইছো যে তেওঁৰ চৰণত থকা বিদেহ আত্মাক শান্তি দিয়ক।” None
What’s New
Spotlight
Advertisement
Featured News
Latest From This Week
Popular News
