NEWS
ভাৰতীয় শিক্ষাৰ্থীসকলৰ সৈতে কৰিমগঞ্জৰ উপায়ুক্ত আৰু আৰক্ষী অধীক্ষক। কোটা আন্দোলনত জ্বলিছে চুবুৰীয়া দেশ বাংলাদেশ। ভাৰতীয় হাই কমিছনৰ উদ্যোগত অগ্নিগৰ্ভা বাংলাদেশৰ পৰা ভাৰতীয় ছাত্ৰ-ছাত্ৰীক ঘূৰাই অনাৰ কাম আৰম্ভ হৈছে।শুকুৰবাৰৰ পৰা বাংলাদেশৰ বিভিন্ন শিক্ষানুষ্ঠানত অধ্যয়ন কৰ থকা অসমৰ ছাত্র-ছাত্রীসকলক ঘূৰাই অনাৰ কাম চলি আছে৷ এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই বৈদেশিক পৰিক্ৰমা ৰাজ্যিক মন্ত্ৰী পবিত্ৰ মাৰ্ঘেৰিটাৰ সৈতে বাৰ্তালাপ কৰে।মুখ্যমন্ত্ৰী হিমন্তই বাংলাদেশত অধ্যয়ন কৰি থকা অসমৰ ছাত্ৰ-ছাত্ৰীক আনিবলৈ কেন্দ্ৰীয় চৰকাৰৰ হস্তক্ষেপ বিচাৰিছিল। কৰিমগঞ্জৰ জিলা দণ্ডাধীশ মৃদুলকুমাৰ যাদৱে জনাইছে যে কালি ৪১ জন লোক আৰু আজি সুস্বাস্থ্যৰে সুতৰকান্দি সীমান্তৰ মাজেৰে আৰু ১৪ জন ছাত্ৰ-ছাত্ৰীক অনা হয়। বৰ্তমানলৈকে মুঠ ৫৫ গৰাকী ভাৰতীয় ছাত্ৰ-ছাত্ৰী সুতাৰকান্দি সীমান্তৰে নিজ দেশলৈ উভতি আহিছে। শ্বেওলা বন্দৰ পাৰ হৈ সুতাৰকান্দি ইমিগ্ৰেচন চেক প’ষ্টত তেওঁলোকক গ্ৰহণ কৰিবলৈ জিলা প্ৰশাসন, বি এছ এফ আৰু অভিবাসন বিষয়াসকল উপস্থিত থাকে। ভাৰতীয় ছাত্ৰ-ছাত্ৰীসকলে বাংলাদেশৰ বিভিন্ন শিক্ষানুষ্ঠান আৰু বিশ্ববিদ্যালয়লৈ গৈ চিকিৎসা আৰু অভিযান্ত্ৰিক শিক্ষা গ্ৰহণ কৰিছিল। সংৰক্ষণ ব্যৱস্থা সংস্কাৰৰ দাবীত হিংসাত্মক আন্দোলনৰ ফলত বাংলাদেশত আবদ্ধ হৈ থকা ৩০০ৰো অধিক ভাৰতীয় ছাত্ৰ-ছাত্ৰীক মেঘালয়,অসম আৰু ত্ৰিপুৰাৰ আন্তঃৰাষ্ট্ৰীয় সীমান্তৰ মাজেৰে নিৰাপদে ঘূৰাই অনা হৈছে। ইপিনে চুবুৰীয়া দেশ ভাৰত, নেপাল, ভূটান, শ্ৰীলংকাৰ লগতে অন্যান্য দেশ বাংলাদেশৰ এনে অস্থিৰ পৰিৱেশক লৈ অতিশয় চিন্তিত। প্ৰতি বছৰে শ-শ ছাত্ৰ-ছাত্ৰী সেই দেশলৈ গৈ পঢ়া-শুনা কৰে।সাম্প্ৰতিক পৰিস্থিতিত ভাৰতীয় ছাত্ৰ-ছাত্ৰীসকলে বাংলাদেশৰ পৰা কেনেবাকৈ ঘৰলৈ উভতি আহিবলৈ অপেক্ষা কৰি আছে।মেঘালয়ৰ ডাউকি সীমান্তৰ মাজেৰে প্ৰায় ১৯০ জন, ত্ৰিপুৰা সীমান্তৰে ১৫০ জন আৰু সুতাৰকান্দি সীমান্তৰে ৫৫ জন ছাত্ৰ-ছাত্ৰীক নিজৰ দেশলৈ ঘূৰাই অনা হয়। None
What’s New
Spotlight
Advertisement
Featured News
Latest From This Week
Popular News
