NEWS
লণ্ডনৰ পৰা আহি পোনে পোনে হায়দৰাবাদৰ ফিল্ম নগৰ থানাত উপস্থিত হ’লহি মহিলাগৰাকী। মহিলাগৰাকীৰ মুখত শংকা। আৰক্ষী বিষয়া এজনৰ সন্মুখত বৰ্ণনা কৰি গ’ল এক ভয়ংকৰ ঘটনা। কিছুদিন পূৰ্বে ছ’চিয়েল মিডিয়াত এজন যুৱকৰ সৈতে চিনাকি হৈছিল ভুক্তভোগী মহিলাগৰাকী। দুয়োৰে মাজত বাঢ়ি আহিছিল বন্ধুত্ব। ছ’চিয়েল মিডিয়াত চিনাকি হোৱাৰ পিছতে লাহে লাগে আগবাঢ়িল কথাবোৰ। এদিন সেই বন্ধুত্বই ল’লে প্ৰেমৰ ৰূপ। যুৱকজনে দিছিল বিয়াৰ প্ৰতিশ্ৰুতি। বিয়াৰ প্ৰতিশ্ৰুতি পাই এটা সুন্দৰ জীৱনৰ সপোন দুচকুত লৈ হায়দৰাবাদৰ পৰা লণ্ডনলৈ উৰা মাৰিছিল মহিলাগৰাকী। লণ্ডনত উপস্থিত হোৱাৰ পিছতে প্ৰথমে সকলো ঠিকেই আছিল। সময় বাগৰাৰ লগে লগে সম্পৰ্কটো যেন সলনি হ’ল। লাহে লাহে মহিলাগৰাকীৰ ওপৰত অত্যাচাৰ কৰিবলৈ ধৰিলে। তাৰ মাজে মাজে ধন দাবী। লণ্ডনত একপ্ৰকাৰ নিৰুপায় হৈ পৰিল মহিলাগৰাকী। কিন্তু সকলো সীমা অতিক্ৰম কৰি মহিলাগৰাকীক এক ভয়ংকৰ ভাবুকি প্ৰদান কৰিলে বিয়াৰ প্ৰতিশ্ৰুতিৰে লণ্ডনলৈ মাতি নিয়া যুৱকজনে। মহিলাগৰাকীৰে অন্তৰংগ মুহূৰ্ততৰ ফটো আৰু ভিডিঅ’ ভাইৰেল কৰাৰ ভাবুকি যুৱকজনৰ। তাৰ পিছতে যেন মূৰত সৰগ ভাঙি পৰিল মহিলাগৰাকীৰ। উপায়ন্তৰ হৈ মহিলাগৰাকীয়ে যুৱকজনৰ হাতত তুলি দিলে ১০ লাখ টকাৰ সোণৰ অলংকাৰ। কিন্তু তাৰ পিছতো পৰিস্থিতি সলনি নহ’ল। টকা বিচাৰি মহিলাগৰাকীৰ ওপৰত শাৰীৰিক আৰু মানসিক নিৰ্যাতন বৃদ্ধি পাবলৈ ধৰিলে। শেষত কোনোমতে প্ৰাণ ৰক্ষা কৰি লণ্ডনৰ পৰা আহি হায়দৰাবাদত উপস্থিত হ’ল মহিলাগৰাকী। সমগ্ৰ ঘটনা সন্দৰ্ভত হায়দৰাবাদৰ ফিল্ম নগৰ থানাত মহিলাগৰাকীয়ে দাখিল কৰিছে এজাহাৰ। মহিলাগৰাকীৰ গোচৰ পঞ্জীয়নভুক্ত কৰি হায়দৰাবাদৰ ফিল্ম নগৰ আৰক্ষীয়ে আৰম্ভ কৰিছে ঘটনাৰ তদন্ত। None
What’s New
Spotlight
Advertisement
Featured News
Latest From This Week
Popular News
