NEWS
প্ৰতিজন সফল পুৰুষৰ আঁৰত এগৰাকী মহিলাই অৰিহণা থাকে। ভাৰতীয়ে তাৰকাৰ ক্ৰিকেটাৰ সূৰ্যকুমাৰ যাদৱৰ ক্ষেত্ৰত ১০০ শতাংশ মিলিছে। টি-২০ বিশ্বকাপ জয় কৰাৰ পিছত তেওঁ নিজেই এই কথা স্বীকাৰ কৰিছে। কেমেৰাৰ সন্মুখত সুৰ্য কুমাৰ যাদৱে কয় যে তেওঁৰ পত্নী দেৱীশা শ্বেট্টীয়ে তেওঁক গোটেই প্ৰতিযোগিতাখন শান্ত কৰি ৰাখিছিল। মোক নম্ৰ হ’বলৈ শিকাইছিল। বাৰ্বাড’ছত অনুষ্ঠিত হোৱা টি-২০ বিশ্বকাপত জয়লাভ কৰাৰ পিছতে সূৰ্যকুমাৰে আৱেগিক হৈ পৰে। চকুত চকুপানী আৰু মুখত এটি প্ৰাপ্তিৰ হাঁহি লৈ সূৰ্যকুমাৰে ক’লে, “এতিয়া কি ক’ম নাজানো। সঁচাকৈয়ে বুজি পোৱা নাই মাত্ৰ কি হ’ল। মই স্তম্ভিত হৈ পৰিছো। এই পৰিস্থিতি বুজিবলৈ এদিন বা দুদিন লাগিব। যদি মই ভাৰতৰ মাটিত ভৰি দিওঁ, তেন্তে কি হ’ল মই বুজি পাম।’’ সূৰ্যকুমাৰ যাদৱে লগতে কয় যে তেওঁৰ সফলতাৰ আঁৰত পত্নী দেৱীশা শ্বেট্টীৰ অৱদান। আৰু পঢ়ক: মৃতদেহৰ লানি, হাথৰছত মৃতকৰ সংখ্যা আৰু বৃদ্ধি, ধৰ্মসভাৰ আয়োজন কৰা কোন এই ভোলে বাবা? BCCIএ সূৰ্যকুমাৰৰ আৱেগিক ভাষণৰ ভিডিঅ’ ক্লিপ ছ’চিয়েল মিডিয়াত প্ৰকাশ কৰে। কেপচনত লিখিছে, ‘‘বাৰ্বাড’ছত জয়ৰ পিছত আৱেগিক জয়ী সূৰ্যকুমাৰ।’’ উল্লেখ্য যে টি-২০ বিশ্বকাপৰ ফাইনেলত দক্ষিণ আফ্ৰিকাক শেষ অ’ভাৰত ১৬ ৰাণৰ প্ৰয়োজন হৈছিল। হাৰ্দিক পাণ্ডিয়াৰ ব’লত বাউণ্ডেৰীত কেচ কৰে সূৰ্যকুমাৰ যাদৱে। আৰু সূৰ্য কুমাৰৰ কেচটোৱে আছিল ফাইনেল মেচখনৰ অন্যতম গুৰুত্বপূৰ্ণ দিশ। বহুতে সূৰ্য কুমাৰ যাদৱৰ কেচটো ১৯৮৩ চনৰ বিশ্বকাপৰ কপিল দেৱৰ কেচৰ লগত তুলনা কৰিছে। উল্লেখ্য যে কাইলৈ ভাৰতৰ উপস্থিত হ’ব বিশ্ববিজয়ী ভাৰতীয় দলটো। None
What’s New
Spotlight
Advertisement
Featured News
Latest From This Week
Popular News
