NEWS
প্ৰেমালাপৰ মাজতে অঘটন। ৰেষ্টোৰাত প্ৰেমিকৰ গালৈ এচিড নিক্ষেপ মহিলাৰ। লগে লগে হাহাকাৰ লাগি গ’ল ৰেষ্টোৰাৰ ভিতৰত। প্ৰেমিকৰ গালৈ নিক্ষেপ কৰা এচিডৰ এটা অংশ মহিলাৰ লগতে পৰিল ৰেষ্টোৰাৰ এজন কৰ্মচাৰীৰ গাত। বিপৰীতে হাতত এচিডৰ পোৰণি লৈয়ে ৰেস্তোৰৰ পৰা পলাল ভুক্তভোগী প্ৰেমিক। কিন্তু আৰক্ষী আহি পোৱালৈ ৰেস্তোৰাতে ৰৈ থাকিল প্ৰেমিকক এচিড আক্ৰমণ কৰা মহিলা। অৱশেষত প্ৰাথমিক চিকিৎসাৰ পাছত আৰক্ষীয়ে আটক কৰিলে মহিলাক। জেৰাত কি ক’লে মহিলাই? মহিলা গৰাকী বিবাহিত। এটি সন্তানৰ মাতৃ। কিন্তু বিবাহিত হোৱাৰ পাছতো ১২ বছৰে বিবেক নামৰ আক্ৰান্ত যুৱকৰ সৈতে প্ৰেমৰ সম্পৰ্ক ৰক্ষা কৰিছিল মহিলাই। আনকি যুৱকৰ সৈতে থকা প্ৰেমৰ সম্পৰ্কৰ বাবেই বিবাহ বিচ্ছেদ হৈছে মহিলাৰ। কিন্তু ইমানৰ পাছত বিয়া কৰিম কৰিম বুলি যুৱকে বাৰে বাৰে প্ৰতাৰণা কৰাৰ অভিযোগ মহিলাৰ। শেহতীয়াকৈ বিয়াৰ প্ৰসংগ ওলালেই ভাবুকি দিবলৈ লৈছিল প্ৰেমিকে। আনকি ম’বাইলত বন্দী কৰি থোৱা নিবিড় মুহূৰ্তৰ দৃশ্যৰে যুৱকে বাৰে বাৰে ব্লেকমেইলিং কৰাৰ অভিযোগ আনিলে অভিযুক্ত মহিলাই। বিয়া পতাতো বাদেই বাৰে বাৰে অশ্লীল ভিডিঅ’ ৰাজহুৱা কৰি দিয়াৰ ভাবুকিৰে মহিলাৰ পৰা ধন সৰকাইছিল যুৱকে। এনে ব্লেকমেইলিঙত অতিষ্ঠ হোৱাৰ বাবেই যুৱকে লগ পোৱাৰ প্ৰস্তাৱ দিওঁতে লগত এচিডৰ বটল লৈ অহাৰ কথা স্বীকাৰ কৰিলে মহিলাগৰাকীয়ে। উত্তৰ প্ৰদেশৰ আলিগড় চহৰত সংঘটিত হৈছে প্ৰেমিকক এডিচ আক্ৰমণৰ ঘটনাটো। ৰাতিপুৱা ১১ বজাৰ কথা। কিছুসময় পূৰ্বে খোলা ৰেস্তোৰাখন পৰিস্কাৰ কৰাৰ কামত ব্যস্ত আছিল কৰ্মচাৰীসকল। যাৰ বাবে প্ৰথমে ঘটনাস্থলী আহি পোৱা মহিলাই অপেক্ষা কৰিব লগা হৈছিল ৰেস্তোৰাৰ বাহিৰত। লৰালৰিকৈ চাফাই কাৰ্য শেষ কৰি গ্ৰাহকক ৰেস্তোৰাৰৰ ভিতৰলৈ আদৰি আনিছিল কৰ্মচাৰীয়ে। মহিলাগৰাকীয়ে আসন গ্ৰহণ কৰাৰ ক্ষন্তেকৰ ভিতৰতে আহি পাইছিল যুৱক। এখন টেবুলৰ সন্মুখত মুখামুখিকৈ বহি ডোছা আৰু চোলে বটুৰেৰ অৰ্ডাৰ কৰাৰ পাছত অনুচ্চ কণ্ঠে বাৰ্তালাপ আৰম্ভ কৰিলে প্ৰেমিক প্ৰেমিকাই। প্ৰেমালাপৰ মাজতে হঠাৎ এচিড বটল উলিয়াই যুৱকৰ গালৈ চটিয়াই দিলে প্ৰেমিকাই। তেনে কৰোতে এচিডৰ এটা অংশ গাত পৰিল আক্ৰমণকাৰী মহিলাৰ লগতে ৰেস্তোৰাৰ এগৰাকী কৰ্মচাৰীৰ। এচিড গাত পৰাৰ যন্ত্ৰণাত চটফটাই থকাৰ মাজতে ঘটনাস্থলীৰ পৰা পলাল ভুক্তভোগী যুৱক। আনফালে আৰক্ষী আহি পোৱালৈ অপেক্ষা কৰি থকা মহিলাই নিজেই ধৰা দি আৰক্ষীৰ আগত প্ৰকাশ কৰিলে এচিড আক্ৰমণৰ আঁৰৰ কাহিনী। None
What’s New
Spotlight
Advertisement
Featured News
Latest From This Week
Popular News
