NEWS
শ্বিলঙলৈ যোৱাৰ বাটত শোকাৱহ দুৰ্ঘটনা। ঘটনাস্থলীত প্ৰেমিক প্ৰেমিকাৰ কৰুণ মৃত্যু। মৰাণত শোকৰ ছাঁ। সোমবাৰে Microsoft 365ৰ চাকৰিত যোগ দিবলৈ কালী পূজাৰ পাছদিনা গুৱাহাটীলৈ আহিছিল নীলোৎপল দুৱৰী। প্ৰেমিকক শুভেচ্ছা জনাবলৈ গুৱাহাটী পাইছিল ডিব্ৰুগড়ত B PHARMA পঢ়ি থকা গাৰ্গী চুতীয়া। Microsoftৰ দৰে কোম্পানীৰ চাকৰি পোৱাৰ আনন্দত বুৰি আছিল দুয়ো। সেই খবৰে আনন্দিত কৰিছিল দুয়োৰে পৰিয়ালক। কিন্তু সেই আনন্দ বেছি ক্ষণ স্থায়ী নহ’ল। চাকৰিত যোগদান কৰাৰ পূৰ্ব সন্ধ্যা বাইকেৰে শ্বিলঙৰ দিশে ফুৰিবলৈ যাওতেই দুৰ্ঘটনাত কৰুণ মৃত্যুক সাৱতি ল’লে নীলোৎপল দুৱৰী আৰু গাৰ্গী চুতীয়াই। গুৱাহাটীৰ কোনো এটা এজেঞ্চিৰ পৰা ভাড়ালৈ লোৱা ৰয়েল এনফিল্ড বাইকেৰে শ্বিলঙলৈ বুলি ওলাই গৈছিল নীলোৎপল আৰু গাৰ্গী। কিন্তু এখন ট্ৰাক অতিক্ৰম কৰিবলৈ লওতেই দুৰ্ঘটনাত পতিত হ’ল বাইকখন। মেঘালয়ৰ ৰিভয় জিলাৰ ছাংবাংলাত সংঘটিত সেই দুৰ্ঘটনাত ঘটনাস্থলীতে মৃত্যু হ’ল নীলোৎপল আৰু গাৰ্গীৰ। এই খবৰ শুনা মাত্ৰকে হাহাকাৰ লাগিল নীলোৎপল দুৱৰীৰ মৰাণৰ ২ নং সৰুপথাৰ গাঁৱৰ ঘৰখনত। কান্দোনৰ ৰোল উঠিল মৰাণৰ জ্যোতিপুৰ গদাধৰ সিংহ পথত থকা গাৰ্গী চুতীয়াৰ ঘৰখনত। Microsoft 365ৰ দৰে ঈৰ্ষণীয় চাকৰিত যোগ দিয়াৰ সুযোগ পাই উৎফুল্লিত হৈ আছিল নীলোৎপল আৰু গাৰ্গীৰ লগতে দুয়োটা পৰিয়াল। কিন্তু দেওবাৰৰ বিয়লি এখন্তেকতে থানবান হৈ গ’ল বহুজনৰ সপোন। ঘটনাস্থলীতে মৃত্যু হোৱা নীলোৎপলৰ মৰণোত্তৰ পৰীক্ষা সম্পন্ন হ’ল মেঘালয়ত। দেওবাৰে নিশা ২ বজাত মৰাণৰ ঘৰ পোৱা মৃতদেহৰ পৰিয়াল, আত্মীয় আৰু চুবুৰীয়াই সৎকাৰ কৰিলে সোমবাৰপে পুৱা ৬ বজাত। আনফালে, বাতৰি লিখাৰ মুহূৰ্তলৈকে গাৰ্গী চুতীয়াৰ মৃতদেহ ঘৰ পোৱালৈ অপেক্ষা কৰি আছে পৰিয়ালৰ লোকে। সোমবাৰে নিশাৰ ভিতৰতে গাৰ্গীৰ মৃতদেহ মৰাণ পাব বুলি আশা কৰিছে পৰিয়ালৰ লোকে। Microsoftৰ চাকৰিত যোগ দিয়াৰ পূৰ্ব সন্ধ্যা প্ৰেমিকা গাৰ্গী চুতীয়াৰ লগতে নীলোৎপল দুৱৰীৰ কৰুণ মৃত্যুৱে শোকাকূল পৰিস্থিতিৰ সৃষ্টি কৰিছে মৰাণত। None
What’s New
Spotlight
Advertisement
Featured News
Latest From This Week
Popular News
