উৎকণ্ঠাৰ অৱসান! নাটাছা ষ্টেনকভিচ আৰু হাৰ্দিক পাণ্ডিয়াই আনুষ্ঠানিকভাৱে বিচ্ছেদৰ কথা ঘোষণা কৰিছে। বৃহস্পতিবাৰে সন্ধিয়া হাৰ্দিক-নাটাছাই আনুষ্ঠানিক বিবৃতি প্ৰকাশ কৰি নিশ্চিত প্ৰদান কৰে যে তেওঁলোক এতিয়া একেলগে নাই। তেওঁলোকে দুয়োৰে বাবে এইটো এটা “কঠোৰ সিদ্ধান্ত” বুলি উল্লেখ কৰি শ্বেয়াৰ কৰে যে তেওঁলোকে ৩ বছৰীয়া পুত্ৰ অগস্ত্যক সহ-পিতৃ-মাতৃ হিচাপে কাম কৰি যাব। “৪ বছৰ একেলগে থকাৰ পিছত হাৰ্দিক আৰু মই পাৰস্পৰিকভাৱে বিচ্ছেদ হোৱাৰ সিদ্ধান্ত লৈছো। আমি একেলগে আমাৰ সাধ্য অনুসৰি চেষ্টা কৰিলোঁ আৰু ইয়াৰ বাবে আমাৰ সকলোখিনি দিলোঁ, আৰু আমি বিশ্বাস কৰোঁ যে এইটো আমাৰ দুয়োৰে স্বাৰ্থত। আমি একেলগে আৰু পৰিয়াল গঢ়ি তোলাৰ লগে লগে উপভোগ কৰা আনন্দ, পাৰস্পৰিক সন্মান আৰু সংগীৰ প্ৰতি লক্ষ্য ৰাখি আমাৰ বাবে এইটো এটা কঠিন সিদ্ধান্ত আছিল।’-বিবৃতিটোত কোৱা হৈছে। “আমি অগস্ত্যৰ সৈতে ধন্য, যি আমাৰ দুয়োৰে জীৱনৰ কেন্দ্ৰবিন্দু হৈ থাকিব আৰু আমি সহঃপিতৃ-মাতৃয়ে নিশ্চিত হ’ম যে আমি তেওঁক তেওঁৰ সুখৰ বাবে যিমান পাৰো সকলোখিনি দিম। এই কঠিন আৰু স্পৰ্শকাতৰ সময়ছোৱাত আমাক গোপনীয়তা প্ৰদান কৰিবলৈ আমি আপোনালোকৰ সমৰ্থন আৰু বুজাবুজিৰ বাবে আন্তৰিকতাৰে অনুৰোধ কৰিছো।’’ বিগ বছৰ প্ৰতিযোগী তথা নৃত্যশিল্পী নাটাছা ষ্টেনকভিচে ২০২০ চনৰ ৩১ মে’ত ক্ৰিকেটাৰ হাৰ্দিক পাণ্ডিয়াৰ সৈতে বিবাহপাশত আবদ্ধ হৈছিল। ২০২৩ চনৰ ফেব্ৰুৱাৰী মাহত হিন্দু আৰু খ্ৰীষ্টান ৰীতি-নীতি অনুসৰি বিবাহপাশত আৱদ্ধ হৈছিল। অৱশ্যে তেওঁলোকৰ বিচ্ছেদ সন্দৰ্ভত জল্পনা-কল্পনা আৰম্ভ হৈছিল চলিত বৰ্ষৰ মে’ মাহত পৰায়েই চলা আছিল। মে’ মাহত মডেলগৰাকীয়ে তেওঁৰ ইনষ্টাগ্ৰাম হেণ্ডেলৰ পৰা ‘পাণ্ডিয়া’ উপাধিটো আঁতৰাই পেলাইছিল। পিছত “নাটাছা আৰু হাৰ্দিক পৃথক হ’ল?” লগতে ভাইৰেল হৈ সকলোৰে দৃষ্টি আকৰ্ষণ কৰিছিল। পোষ্টটোত দুয়োজনে ইজনে সিজনৰ লগত ছবি পোষ্ট কৰা নাই বুলি দাবী কৰি আই পি এল ২০২৪ৰ মেচত নাটাছাৰ অনুপস্থিতিৰ ওপৰত প্ৰশ্ন উত্থাপন কৰিছে। চলিত মাহৰ আৰম্ভণিতে নাটাছাই ইনষ্টাগ্ৰামৰ ষ্ট’ৰীত এটা ভিডিঅ’ পোষ্ট কৰিছিল যিয়ে বিচ্ছেদৰ বাতৰি নিশ্চিত কৰা যেন লাগিছিল। ক্লিপটোত তাই কৈছিল, ‘মই আপোনালোকক পুনৰ সোঁৱৰাই দিব বিচাৰো যে ভগৱানে ‘লাল সাগৰক’ আঁতৰোৱা নাই, তেওঁ কেৱল ভাগহে কৰিলে। অৰ্থাৎ ঈশ্বৰে আপোনাৰ জীৱনৰ পৰা কেতিয়াও কোনো সমস্যা আঁতৰাই নিদিয়ে, তেওঁ মাত্ৰ তাৰ মাজেৰে এটা বাট উলিয়াই দিব।’’ ইতিমধ্যেই নাটাছাই নিজৰ গৃহ চহৰ ছাৰ্বিয়ালৈ গুছি গৈছে। বুধবাৰে মুম্বাই বিমানবন্দৰত তেওঁৰ অগস্ত্যৰ সৈতে নাটাশাক দেখা গৈছিল। None
Popular Tags:
Share This Post:
What’s New
Spotlight
Today’s Hot
-
- August 26, 2024
-
- August 26, 2024
-
- August 26, 2024
Featured News
Latest From This Week
Subscribe To Our Newsletter
No spam, notifications only about new products, updates.