NEWS
નવી દિલ્હી: લંડનમાં એક અનોખી હરાજી થઈ. તેમાં 100 રૂપિયાની ભારતીય નોટની કિંમત 56,49,650 રૂપિયા બોલાઈ. આ નોટને ભારતીય રિઝર્વ બેન્કે 1950ના દાયકામાં બહાર પાડી હતી. જેનો સીરીયલ નંબર HA 078400 હતો. આ કોઈ સામાન્ય નોટ નહોતી. આ “હજ નોટ”ના નામથી ઓળખાતી એક ખાસ સીરીઝનો ભાગ હતી. 20મી સદીના મધ્યમાં આરબીઆઈએ આ નોટ ખાસ હજ યાત્રા માટે ખાડી દેશોની યાત્રા કરનારા ભારતીય તીર્થયાત્રીઓ માટે જાહેર કરી હતી. સોનાની ગેરકાયદેસર ખરીદી રોકવા માટે તેને બહાર પાડવામાં આવી હતી. આ નોટમાં નંબર પહેલા એક યુનિક પ્રીફિક્સ ‘HA’ લાગેલું હતું. જેનાથી તે સરળતાથી ઓળખી શકાય. આ નોટ સ્ટાન્ડર્ડ ભારતીય મુદ્રા નોટથી રંગમાં અલગ હતી. જો કે તે અમુક ખાડી દેશોમાં જ વેલિડ હતી. જ્યાં ભારતીય રૂપિયા સ્વીકાર થતાં હતા. જેમ કે સંયુક્ત અરબ અમીરાત, કતાર, બહરીન, કુવૈત અને ઓમાન. પણ તે ભારતની અંદર કાયદેસર નહોતી. દુર્લભ છે આ નોટ 1961માં કુવૈતે પોતાના મુદ્રા શરૂ કરી. ત્યાર બાદ અન્ય ખાડી દેશોએ પણ તેને શરૂ કરી હતી. આ અગાઉ કુવૈતમાં ભારતીય મુદ્રાનો જ ઉપયોગ થતો હતો. પરિણામ એ આવ્યું કે, 1970ના દાયકામાં હજ નોટ જાહેર કરવાનું બંધ કરી દીધું. આ નોટને દુર્લભ માનવામાં આવે છે અને મુદ્રા સંગ્રાહકોની વચ્ચે તેનું ખૂબ મહત્વ છે. તેની કિંમત સ્થિતિ અને દુર્લભતા જેવા માપદંડો પર નિર્ભર કરે છે. 10 રૂપિયાની નોટ 12 લાખથી વધારેમાં વેચાઈ લંડનમાં એક અન્ય હરાજીમાં 10 રૂપિયાની બે જૂની નોટની અસાધારણ કિંમત બોલાઈ. જેમાં એકની કિંમત 6.90 લાખ રૂપિયા અને બીજી નોટની કિંમત 5.80 લાખ રૂપિયા હતી. આ નોટ કોઈ સાધારણ મુદ્રાની નથી. પણ ઐતિહાસિક યુગ સાથે જોડાયેલી છે. જેના કારણે તે ખૂબ જ લોકપ્રિય બની. 25 મે 1918માં જાહેર કરવામાં આવેલી આ નોટ ઐતિહાસિક મહત્વ ધરાવે છે. કારણ કે તે પ્રથમ વિશ્વ યુદ્ધના અંતિમ વર્ષોની છે. તેમાં આકર્ષણમાં બ્રિટિશ જહાજ “એસએસ શિરાલા”થી સંબંધ પણ સામેલ છે. 2 જુલાઈ 1918 “એસએસ શિરાલા”ને એક જર્મન ‘યૂ બોટ’એ ટોર્પિડોથી ઉડાવી દીધું હતું. જેના કારણે તે ડૂબી ગયું હતું. જહાજના કાટમાળ અને ઈતિહાસથી સંબંધના કારણે આ નોટને અસાધારણ રૂપથી મહત્વપૂર્ણ બનાવે છે. None
What’s New
Spotlight
Advertisement
Featured News
Latest From This Week
Popular News
