NEWS
రాయల్ ఎన్‌ఫీల్డ్ (Royal Enfield) కంపెనీ తయారు చేసే బైక్‌లను ఇష్టపడని వారు ఉండరు. ఇవి మన ఇండియాలోనే కాకుండా ఇతర దేశాల్లో కూడా చాలా ఫేమస్ అయ్యాయి. ప్రీమియం టూవీలర్స్‌ సెగ్మెంట్‌లో ఈ బ్రాండ్ వాటా చాలా ఎక్కువ. ఇప్పుడు ఈ కంపెనీ ఎలక్ట్రిక్ బైక్‌ల మార్కెట్లోకి ఎంట్రీ ఇవ్వడానికి రెడీ అవుతోంది. ఇప్పటికే ఈ బైక్ పేటెంట్ డిజైన్‌కు సంబంధించిన ఫొటోలు ఆన్‌లైన్‌లో లీక్ అయ్యాయి. వాటిని చూస్తే, రాయల్ ఎన్‌ఫీల్డ్ ఎలక్ట్రిక్ మోటార్‌సైకిల్ క్లాసిక్ లుక్‌తో రానుందని అర్థమవుతోంది. ఈ వెహికల్‌ను మోడర్న్ టెక్నాలజీతో తీర్చి దిద్దినట్లు తెలుస్తోంది. కంపెనీ ఈ ఎలక్ట్రిక్ బైక్‌ను 2024 నవంబర్ 4న అధికారికంగా పరిచయం చేయనుంది. అయితే పేటెంట్ డిజైన్ ఇమేజ్‌లో కనిపించిన ఈ ఎలక్ట్రిక్ బైక్ మార్కెట్లోకి రాదు. ఇది ఒక ప్రోటోటైప్ లేదా కాన్సెప్ట్ మోడల్ మాత్రమే. భవిష్యత్తులో ఈ మోడల్ ఆధారంగానే కమర్షియల్ బైక్‌ను తయారు చేస్తారు. కాబట్టి, ప్రజలకు అందుబాటులోకి వచ్చే బైక్ డిజైన్, లుక్ కొంచెం వేరేగా ఉండొచ్చు. అలాగే కాన్సెప్ట్ మోడల్ నుంచి కమర్షియల్ మోడల్ డెవలప్ చేయడానికి కొన్నేళ్లు పట్టొచ్చు. Royal Enfield electric motorcycle 🙌 pic.twitter.com/dwJefKU6gp లీకైన పేటెంట్ డిజైన్ చూస్తే, ఈ ఎలక్ట్రిక్ మోటార్‌సైకిల్ లుక్ చాలా బాగుంటుందని తెలుస్తోంది. డిజైన్ పరంగా ఇది రెట్రో బాబర్ స్టైల్‌, మోడర్న్ క్లాసిక్ లుక్ రెండింటినీ మిక్స్ చేసినట్లుగా కనిపిస్తోంది. NDTV వెబ్‌సైట్ ప్రకారం, ఈ బైక్‌లో ఫ్యూయల్ ట్యాంక్ ఉండదు. దాని స్థానంలో ఇతర వస్తువులు పెట్టుకునేందుకు స్థలం ఉంటుంది. బైక్ ముందు భాగంలోనే బ్యాటరీ, మోటార్‌ను కలిపి ఫిక్స్ చేశారు. ఈ బైక్‌లో చైన్‌కు బదులు బెల్ట్ ఉంటుంది. దాన్ని బ్యాక్ వీల్‌కు అటాచ్ చేస్తారు. పేటెంట్ ఇమేజ్‌లో ఈ ఎలక్ట్రిక్ బైక్ సింగిల్-సీట్ డిజైన్‌తో కనిపించింది. అయితే శారీ గార్డు కూడా ఉంది కాబట్టి సెకండ్ సీటు కూడా దీనికి అమర్చుకోవచ్చని తెలుస్తోంది. ఫీచర్లు, ప్రత్యేకతలు ఈ కొత్త బైక్ అడ్వాన్స్‌డ్ ఫీచర్లతో రానుంది. సాధారణంగా పెట్రోల్ బైకుల్లో చూడని ఒక రకమైన ‘గిర్డర్ ఫోర్క్’ అనే పార్ట్, రాయల్ ఎన్‌ఫీల్డ్ ఎలక్ట్రిక్ బైక్‌లో కనిపిస్తోంది. గతంలో ఓల్డ్ బైక్స్‌లో ఇలాంటి ఫోర్క్ ఇచ్చేవారు. వెహికల్ వెనుక భాగంలో ‘అల్యూమినియం స్వింగ్‌ఆర్మ్’ ఉంటుంది. దీంట్లో ఒక రకమైన ‘మోనోషాక్’ ఉంటుంది, కానీ అది కనిపించదు. అద్భుతమైన ఎజిలిటీ కోసం థిన్ టైర్స్ అందించారు. అయితే ఫైనల్ ఔట్‌పుట్ ఇలా ఉండకపోవచ్చు. కంపెనీ ఈ మోటార్ సైకిల్‌ను ఒక వీడియోలో టీజ్‌ చేసింది. లాంచింగ్ ఎప్పుడు? రాయల్ ఎన్‌ఫీల్డ్ కంపెనీ తమ కొత్త ఎలక్ట్రిక్ బైక్‌కి ‘ఎలక్ట్రిక్ 01 (‘Electrik01’)’ అని కోడ్‌నేమ్ పెట్టింది. ఈ బైక్ తయారీ ఇప్పటికే మొదలైంది. 2026 ప్రారంభంలో ఇది అందుబాటులోకి రావచ్చు. None
What’s New
Spotlight
Advertisement
Featured News
Latest From This Week
Popular News
