NEWS
ভাৰতীয় তাৰকা ক্ৰিকেটাৰ বিৰাট কোহলিৰ বিৰুদ্ধে এইবাৰ উত্থাপন হৈছে গুৰুতৰ অভিযোগ। প্ৰাক্তন ভাৰতীয় স্পিনাৰ অমিত মিশ্ৰই বিৰাট কোহলীৰ বিৰুদ্ধে গুৰুতৰ অভিযোগ উত্থাপন কৰিছে। কোহলি সন্দৰ্ভত অমিতে কয় যে ‘‘আজিৰ বিৰাট কোহলি আৰু পূৰ্বৰ বিৰাট কোহলিৰ মাজত বহু পাৰ্থক্য আছে, এতিয়া কোহলিৰ বহু পৰিৱৰ্তন হৈছে।’’ এটি ইউটিউব চেনেলত দিয়া এক সাক্ষাৎকাৰত অমিত মিশ্ৰই বিৰাট কোহলিৰ বিৰুদ্ধে বহু বিস্ফোৰক অভিযোগ উত্থাপন কৰিছে। অমিত মিশ্ৰই কয় যে “মই দেখিছোঁ যে বিৰাটৰ বহু পৰিৱৰ্তন হৈছে। আমি কথা পতা প্ৰায় বন্ধ কৰি দিছো। তেওঁ এতিয়া খ্যাতি আৰু ক্ষমতাৰ শিখৰত উপনীত হৈছে। বিৰাটত এতিয়া বহুত টকা আছে। যদি তেনেকুৱা হয়, কিছুমানে লোকে ভাৱে, অন্য কিছুমানে বেলেগ উদ্দেশ্য লৈ তেওঁৰ ওচৰলৈ আহে।” অমিত মিশ্ৰয়ে লগতে কয়, ‘‘আগতে আমি ইজনে-সিজনৰ লগত কথা পাতিছিলো। কিন্তু এতিয়া আমি আৰু কথা পতা নাই। ৰোহিতৰ ওচৰলৈ গ’লে একেদৰেই কথা পাতি থকা দেখিব। পূৰ্বে। ৰোহিতে লগ পোৱাৰ সময়ত মোৰ লগত আগৰ দৰে ধেমালি কৰিছিল। এইক্ষেত্ৰতে কোহলি আৰু ৰোহিতৰ মাজত ডাঙৰ পাৰ্থক্য আছে।’’ IPLত লক্ষ্ণৌ ছুপাৰজায়েণ্টছৰ হৈ খেলা অমিত মিশ্ৰয়ে বিৰাট কোহলি সন্দৰ্ভত লগতে কয়, ‘হয়, ক্ৰিকেটাৰ হিচাপে মই বিৰাট কোহলিক সন্মান কৰো, তাত কোনো সন্দেহ নাই। কিন্তু এতিয়া বিৰাটৰ লগত আগৰ দৰে মিলিব পৰা নাই।" উল্লেখ্য যে শেহতীয়াকৈ ৱেষ্ট ইণ্ডিজত অনুষ্ঠিত হোৱা টি-২০ বিশ্বকাপত খিতাপ দখল কৰে ভাৰতীয় দলে। ফাইনেলত দক্ষিণ আফ্ৰিকাক ৭ ৰাণত পৰাস্ত কৰি ভাৰতে খিতাপ দখল কৰে। ফাইনেলত বিৰাট কোহলিয়ে ৭৬ ৰাণৰ গুৰুত্বপূৰ্ণ ইনিংছ খেলিছিল। ফাইনেলত দুৰ্দান্ত বেটিঙৰ বাবে বিৰাটক কোহলিক প্লেয়াৰ অৱ দ্য মেচ প্ৰদান কৰা হয়। একে সময়তে ৰোহিতৰ অধিনায়কত্বৰো শলাগ লয় প্ৰতিগৰাকী লোকে। টি-২০ বিশ্বকাপৰ খিতাপ দখল দ্বিতীয় ভাৰতীয় অধিনায়ক হিচাপে পৰিগণিত ৰোহিত শৰ্মা। ইয়াৰ পূৰ্বে ২০০৭ চনত মহেন্দ্ৰ সিং ধোনীৰ নেতৃত্বত ভাৰতে টি-২০ বিশ্বকাপৰ খিতাপ দখল কৰিছিল। আৰু ৰোহিত শৰ্মাৰ নেতৃত্বত ১৭ বছৰৰ পাছত ভাৰতে পুনৰ টি-২০ বিশ্বকাপৰ খিতাপ দখল কৰে। None
What’s New
Spotlight
Advertisement
Featured News
Latest From This Week
Popular News
