সৌৰভ গাৰ্গ: দক্ষিণ দিল্লীৰ বৃহত্তৰ কৈলাশ এলেকাৰ ৪ মহলীয়া আৱাসিক এপাৰ্টমেণ্টৰ ওপৰত থকা মা বগলামুখী মন্দিৰলৈ অসমৰ পৰা এটা হাতী নিয়াৰ প্ৰস্তাৱ গ্ৰহণ কৰা হৈছে। এই সন্দৰ্ভত ইতিমধ্যে যাৱতীয় ব্যৱস্থা গ্ৰহণ কৰিলে মন্দিৰ পৰিচালনা কমিটীয়ে। ২০১৮ চনতে দিল্লীৰ লালকিল্লাত বিজেপি আৰু আপৰ শীৰ্ষ নেতাসকলে অংশগ্ৰহণ কৰা এসপ্তাহজোৰা ৰাষ্ট্ৰ সুৰক্ষা মহাযজ্ঞৰ আয়োজন কৰাৰ সময়ত প্ৰাধান্য লাভ কৰা মা বাগলামুখী মন্দিৰটোৱে। সেই বগলামুখী মন্দিৰটোতে হাতীটোক ৰখাৰ বাবে আৱাসিক এলেকাটোৰ কাষতে থকা সেনা চাউনীত ১.৫ একৰ মাটি নিৰ্ধাৰিত কৰিছে। দিল্লী উচ্চ ন্যায়ালয়ৰ নিৰ্দেশৰ পিছতে দিল্লীৰ শেষৰটো বন্দী হাতী উদ্ধাৰৰ ৬ বছৰৰ পিছত এই প্ৰস্তাৱিত হাতীটোক আৱাসিক চুবুৰীলৈ বদলি কৰা হৈছে। চলিত বৰ্ষৰ এপ্ৰিল মাহত অসম বন বিভাগৰ সূত্ৰই জনোৱা মতে, হাতী পুনৰ্বাসন সম্পৰ্কীয় উচ্চ ক্ষমতাসম্পন্ন কমিটীয়ে ৰাজ্যৰ মুখ্য বন্যপ্ৰাণী ৱাৰ্ডেন (চি ডব্লিউ এল ডব্লিউ)ৰ কাৰ্যালয়লৈ যোৰহাটৰ ৰঞ্জিতা নামৰ এজনী মাইকী হাতী বিচাৰি পত্ৰ প্ৰেৰণ কৰিছিল। হাতীজনীক দিল্লীৰ মা বগলামুখী মন্দিৰলৈ নিবলৈ বিচাৰি আবেদন কৰিছিল। ২০২৩ চনত উচ্চতম ন্যায়ালয়ে অৱসৰপ্ৰাপ্ত ন্যায়াধীশ দীপক ভাৰ্মাৰ নেতৃত্বত গঠিত এইচ পি চিক সমগ্ৰ ভাৰতত জব্দ কৰা বা উদ্ধাৰ কৰা সকলো হাতীৰ কল্যাণ আৰু পুনৰ্বাসনৰ দায়িত্ব অৰ্পণ কৰা হৈছিল। তাৰপিছতে ২০২৪ৰ জুলাই মাহত অসম চি ডব্লিউ এল ডব্লিউৰ কাৰ্যালয়ে এই প্ৰস্তাৱিত বদলি সন্দৰ্ভত দিল্লীত থকা সমকক্ষৰ মতামত বিচাৰিছিল। এইচ পি চিয়ে “বিষয়টো ক্ষিপ্ৰতাৰে” কৰিবলৈ দিয়াৰ পিছত দক্ষিণ দিল্লীৰ বিভাগীয় বন বিষয়াই (ডি এফ অ’) সেনা চাউনী ফাৰ্মত প্ৰস্তাৱিত গৃহ নিৰ্মাণৰ সুবিধাসমূহ পৰিদৰ্শন কৰে য’ত হাতীজনী ৰখাৰ বাবে সকলো সুবিধাজনক দেখা গৈছিল। এই প্ৰস্তাৱৰ স্থিতি সন্দৰ্ভত অসমৰ চি ডব্লিউ এল ডব্লিউ সন্দীপ কুমাৰে কয়, ‘দিল্লীৰ বন বিভাগে প্ৰস্তাৱিত বদলিৰ ওপৰত আপত্তি কৰা নাই। অৱশ্যে অসম চৰকাৰে এতিয়াও বিষয়টো পৰীক্ষা কৰি আছে। ৰাজ্যৰ নাগৰিক সমাজৰ গোটৰ পৰা পোৱা কিছুমান প্ৰতিনিধিৰ মন্তব্যৰ ওপৰতো গুৰুত্ব দিয়া হ’ব। বৰ্তমানো চূড়ান্ত সিদ্ধান্তৰ অপেক্ষাত।’ ইফালে সেনা চাউনীৰ ফাৰ্মত হাতীজনী ৰখাৰ বাবে উপযুক্ত হ’ব নে নাই বুলি সোধাত দিল্লীৰ চি ডব্লিউ এল ডব্লিউ শ্যাম সুন্দৰ কাণ্ডপালে কয় যে ‘শেহতীয়াকৈ ছেপ্টেম্বৰৰ শেষ সপ্তাহত মই নতুনকৈ দায়িত্ব লৈছো আৰু এই বিষয়ে অৱগত হোৱা নাছিল।’ ইফালে দক্ষিণ দিল্লীৰ ডি এফ অ’ বিপুল পাণ্ডেই এই সন্দৰ্ভত কোনো মন্তব্য দিবলৈ অস্বীকাৰ কৰে। দিল্লীৰ বৃহত্তৰ কৈলাশ দ্বিতীয় খণ্ডৰ প্লাছ, শীততাপ নিয়ন্ত্ৰিত বাগলামুখী মন্দিৰ পৰিচালনা কৰা শিৱ কুমাৰ ৰায় ওৰফে গুৰুজীয়ে যোৰহাটৰ মালিকৰ পৰা কি চৰ্তত হাতীজনী দক্ষিণ দিল্লীৰ মন্দিৰলৈ নিয়া হৈছে সেই সন্দৰ্ভতো কোনো মন্তব্য কৰাৰ পৰা বিৰত থাকে। উল্লেখ্যযে শ্ৰী যোগিনী পীথাম ট্ৰাষ্টৰ সৈতে বাগলামুখী মন্দিৰটো বৃহত্তৰ কৈলাশ নগৰত মন্দিৰতো চন্দ্ৰ মণি মিশ্ৰ আৰু শিৱ কুমাৰ ৰায়ে স্থাপন কৰিছিল। ২০১৮ চনৰ ফেব্ৰুৱাৰী-মাৰ্চৰ ভিতৰত ৰায় আৰু মিশ্ৰই পূব দিল্লীৰ তেতিয়াৰ বিজেপি সাংসদ মহেইশ গিৰীৰ সৈতে যোগদান কৰি সপ্তাহজোৰা ৰাষ্ট্ৰ সুৰক্ষা মহাযজ্ঞাত শিখৰত উপনীত হোৱা ধাৰাবাহিক অনুষ্ঠানৰ আয়োজন কৰিছিল। দক্ষিণ দিল্লীৰ বৃহত্তৰ কৈলাশ এলেকাৰ বগলামুখী মন্দিৰলৈ কেতিয়া অসমৰ পৰা হাতীজনী নিয়া হ’ব সেয়া হ’ব লক্ষণীয়। None
Popular Tags:
Share This Post:
What’s New
ধুবুৰীত আজমল পৰাজয়ৰ পোতক তুলিব চামগুৰিত, চামগুৰিত AIUDFয়ে দিব প্ৰাৰ্থী
- By Sarkai Info
- October 16, 2024
Spotlight
Today’s Hot
-
- October 16, 2024
-
- October 16, 2024
-
- October 16, 2024
Featured News
Kati Bihu: কাতি বিহুত আকাশ বন্তি জ্বলালে কি হয়? কাতি বিহু আৰু লোকবিশ্বাস
- By Sarkai Info
- October 16, 2024
Latest From This Week
Subscribe To Our Newsletter
No spam, notifications only about new products, updates.