অৱশেষত আহিল সেই বহু প্ৰতীক্ষিত ফোনকলটো। আমেৰিকাৰ প্ৰাক্তন ৰাষ্ট্ৰপতি বাৰাক ওবামা আৰু তেওঁৰ পত্নী মিছেল ওবামাই কমলা হেৰিছক আমেৰিকাৰ ৰাষ্ট্ৰপতি পদৰ প্ৰাৰ্থী হিচাপে সমৰ্থন কৰিছে। তেওঁলোকে এইবিষয়ে কমলা হেৰিছক ফোন কৰি সমৰ্থন প্ৰকাশ কৰে। কমলাকো ‘বন্ধু’ বুলি সম্বোধন কৰে। এটা ভিডিঅ’ৰ সৈতে পোষ্ট কৰা হৈছে, য’ত দেখা গৈছে কমলা হেৰিছে ওবামা দম্পতীৰ সৈতে ফোনত কথা পাতি আছে। ডেম’ক্ৰেটৰ ৰাষ্ট্ৰপতি পদৰ প্ৰাৰ্থী হিচাপে জ’ বাইডেনৰ নাম চূড়ান্ত কৰা হৈছিল যদিও কিছুদিন পূৰ্বে তেওঁ ৰাষ্ট্ৰপতি পদৰ প্ৰতিদ্বন্দ্বিতাৰ পৰা আঁতৰি আহিছিল। উপ-ৰাষ্ট্ৰপতি কমলাৰ নাম পৰৱৰ্তী ৰাষ্ট্ৰপতি পদৰ প্ৰাৰ্থী হিচাপে প্ৰস্তাৱ কৰে। ডেম’ক্ৰেটসকলে কমলাক সমৰ্থন কৰাৰ লগে লগে দুয়োজন মৌনতা অৱলম্বন কৰে। ইমান দিনে কমলাক সমৰ্থন কৰা নাছিল ওবামা আৰু তেওঁৰ পত্নীয়ে। ডেম’ক্ৰেট দলৰ এই দুই গুৰুত্বপূৰ্ণ সদস্যই কমলাক কিয় সমৰ্থন কৰা নাছিল সেই সন্দৰ্ভত বহু জল্পনা-কল্পনা চলিছিল। শুনা গৈছিল যে বাইডেনে পদত্যাগ কৰি কমলাক তেওঁৰ ঠাইত ৰাষ্ট্ৰপতি পদৰ প্ৰাৰ্থী হিচাপে আগবঢ়াই দিয়াত ওবামা দম্পতী একেবাৰেই সুখী নাছিল। আনকি, ওবামাই নিজৰ ঘনিষ্ঠ মহলত কয় যে কমলাই ৰাষ্ট্ৰপতি হোৱাৰ যুঁজত ড’নাল্ড ট্ৰাম্পক পৰাস্ত কৰিব নোৱাৰে। কিন্তু সকলো জল্পনা-কল্পনাৰ অন্ত পৰিল শুকুৰবাৰে। ওবামাই নিজৰ এক্স (পূৰ্বৰ টুইটাৰ) হেণ্ডেলত এটা ভিডিঅ’ পোষ্ট কৰি লিখিছে, “কিছুদিন আগতে মিচেল আৰু মই আমাৰ বন্ধু কমলাক ফোন কৰিছিলো। আমি তেওঁক কৈছিলো, তেওঁ এগৰাকী দক্ষ ৰাষ্ট্ৰপতি হ’ব। তেওঁৰ প্ৰতি আমাৰ সম্পূৰ্ণ সমৰ্থন আছে। আমাৰ দেশৰ এই কঠিন সময়ত তেওঁৰ জয়ৰ বাবে আমি সকলো প্ৰকাৰে চেষ্টা কৰিম। আশাকৰোঁ আপুনিও আমাৰ সৈতে যোগদান কৰিব।'' It means so much to have your endorsements, @MichelleObama and @BarackObama . Let’s get to work. pic.twitter.com/rAuTyIlCai ভিডিঅ’টোত দেখা গৈছে যে কমলা এটা অনুষ্ঠানৰ পৰা ফোন পাই ওলাই আহিছে। ফোনৰ সিটো ফালৰ পৰা ওবামা আৰু তেওঁৰ পত্নীৰ মাত শুনা গৈছে। কমলাক লৈ গৌৰৱ অনুভৱ কৰা বুলিও কয় ওবামাৰ দম্পতীহালে। কমলাই আমেৰিকাত নতুন ইতিহাস ৰচনা কৰিবলৈ ওলাইছে। লগতে কমলাই প্ৰাক্তন ৰাষ্ট্ৰপতি আৰু তেওঁৰ পত্নীক ধন্যবাদ জ্ঞাপন কৰে। উল্লেখযোগ্য যে, অহা ৫ নৱেম্বৰত অনুষ্ঠিত হ’ব আমেৰিকাৰ ৰাষ্ট্ৰপতি নিৰ্বাচন। ট্ৰাম্প ৰিপাব্লিকান দলৰ ৰাষ্ট্ৰপতি পদৰ প্ৰাৰ্থী। বাইডেনে এইবাৰ ডেম’ক্ৰেট দলক সমৰ্থন জনাইছে। কিন্তু তেওঁৰ বয়স হৈছে। যোৱা কেইদিনমানৰ পৰা তেওঁৰ শাৰীৰিক অৱস্থা আৰু সুস্থতাক লৈ বহু প্ৰশ্ন উত্থাপন হৈ আছিল। ৰাষ্ট্ৰপতিৰ বিতৰ্কত ট্ৰাম্পৰ বিৰুদ্ধে বাইডেনক অসামঞ্জস্যপূৰ্ণ বুলি প্ৰকাশ পাইছিল। তেওঁৰ কথাবোৰ জটিল হৈ পৰিল। যাৰ প্ৰতি কটুক্তি আহিছে দেশ-বিদেশৰ পৰা। বাইডেনৰ নিজৰ স্বীকাৰোক্তি অনুসৰি তেওঁ আৰু আগৰ দৰে খোজ কাঢ়িব নোৱাৰে, কথা ক’ব নোৱাৰে। ডেম’ক্ৰেটসকলৰ মাজতো বাইডেনক অপসাৰণৰ দাবী অধিক শক্তিশালী হৈ আহিছিল। ইফালে বাইডেনে ৰাষ্ট্ৰপতি পদৰ প্ৰতিদ্বন্দ্বিতা বাদ দি কমলাক এই পদৰ বাবে সমৰ্থন কৰে। যদি সকলো ঠিকে থাকে তেন্তে নৱেম্বৰ মাহত আমেৰিকাৰ ৰাষ্ট্ৰপতি নিৰ্বাচনত ট্ৰাম্প আৰু কমলাৰ মাজত যুঁজ হ’ব। None
Popular Tags:
Share This Post:
What’s New
ধুবুৰীত আজমল পৰাজয়ৰ পোতক তুলিব চামগুৰিত, চামগুৰিত AIUDFয়ে দিব প্ৰাৰ্থী
- By Sarkai Info
- October 16, 2024
Spotlight
Today’s Hot
-
- October 16, 2024
-
- October 16, 2024
-
- October 16, 2024
Featured News
Kati Bihu: কাতি বিহুত আকাশ বন্তি জ্বলালে কি হয়? কাতি বিহু আৰু লোকবিশ্বাস
- By Sarkai Info
- October 16, 2024
Latest From This Week
Subscribe To Our Newsletter
No spam, notifications only about new products, updates.