বুধবাৰে মুম্বাইৰ ৱৰ্লি অঞ্চলৰ এখন স্পাত হত্যাৰ বলি হৈছিল এজন লোক। মৃত লোকজনক গুৰু ৱাঘমাৰে বুলি চিনাক্ত কৰা হৈছে। গুৰু ৱাঘমাৰেই সংঘটিত কৰিছিল এটা আশ্চৰ্যকৰ ঘটনা। তেওঁৰ ক্ষতি কৰাৰ সম্ভাৱনা থকা ২২জন লোকৰ নাম টেটু কৰি ৰাখিছিল নিজৰ শৰীৰত। বৃহস্পতিবাৰে আৰক্ষীয়ে জনোৱা মতে, হত্যাকাণ্ডৰ এদিন পাছতে তিনিজন সন্দেহযুক্ত লোকক গ্ৰেপ্তাৰ কৰা হয়। ধৃত অভিযুক্তৰ ভিতৰত স্পাৰ মালিক সন্তোষ শ্বেৰেকাৰ অন্যতম। হত্যাকাণ্ডৰ বলি হোৱা লোকজনৰ মৃতদেহত টেটু কৰা ২২জন লোকৰ নামৰ ভিতৰতো আছিল তেওঁৰ নাম। তেওঁৰ উপৰি দুই অভিযুক্ত আক্ৰমণকাৰীকো গ্ৰেপ্তাৰ কৰাৰ লগতে আৰু দুজন লোকক আটক কৰা হৈছে। ৪৮ বছৰীয়া গুৰুৱে নিজকে তথ্যৰ অধিকাৰ কৰ্মী বুলি দাবী কৰিছিল যদিও তেওঁৰ বিৰুদ্ধে কেইবাটাও অপৰাধমূলক গোচৰ ৰুজু হৈছিল। বুধবাৰে পুৱাৰ ভাগত মধ্য মুম্বাইৰ ৱৰ্লিৰ চফ্ট টাচ স্পাত তেওঁক হত্যা কৰা হয়। মৰণোত্তৰ পৰীক্ষাৰ সময়ত তেওঁৰ উৰুত সম্ভাৱ্য শত্ৰুৰ নাম টেটু কৰা দেখা গৈছিল বুলি এজন বিষয়াই সদৰী কৰিছিল। আৰক্ষীৰ মতে, গুৰুৰ ধন দাবীৰ ভাবুকিত বিৰক্ত হৈ স্পাৰ মালিক শ্বেৰেকাৰে তেওঁক হত্যা কৰিবলৈ ছুপাৰী কিলাৰ নিয়োগ কৰা বুলি অভিযোগ উঠিছে। মহম্মদ ফিৰোজ আনছাৰী তেওঁৰ নাম। আনছাৰীয়ে মুম্বাইৰ সমীপৰ নল্লাসোপাৰাত এটা স্পা পৰিচালনা কৰিছিল, যিটো যোৱা বছৰ এটা অভিযান পাছত বন্ধ হৈ পৰিছিল। গুৰুৱে বিভাগীয় কৰ্তৃপক্ষক অভিযোগ দিয়াৰ পাছতে আনছাৰীৰ স্পাত অভিযান চলোৱা বুলি বিষয়াগৰাকীয়ে জনায়। ৱাঘমাৰে এনে অভিযোগ দাখিল কৰা আৰু স্পাৰ মালিকৰ পৰা ধন দাবী কৰাত বাধা দিবলৈ আনছাৰীয়ে শ্বেৰেকাৰৰ কাষ চাপিছিল। আৰক্ষী বিষয়াগৰাকীয়ে লক্ষ্য কৰে যে শ্বেৰেকাৰে তেওঁক ৱাঘমাৰেক ‘বাহিৰ’ কৰিবলৈ কোৱা বুলি অভিযোগ উঠিছে। ইয়াৰ পিছত আনছাৰীয়ে দিল্লীৰ বাসিন্দা ছাকিব আনছাৰীৰ সৈতে যোগাযোগ কৰি তিনিমাহ পূৰ্বে এই ষড়যন্ত্ৰ ৰচনা কৰিছিল বুলিও তেওঁ লগতে কয়। মঙলবাৰে সন্ধিয়া গুৰুৱে ২১ বছৰীয়া প্ৰেমিকাৰ সৈতে জন্মদিন উদযাপন কৰা ছিয়নৰ এখন সুৰা বাৰৰ বাহিৰৰ চিচিটিভি ফুটেজত দেখা গৈছে যে ৰেইনকোট পিন্ধা দুৰ্বৃত্ত দুজনে তেওঁক দাঙি লৈ গৈছে। সেই নিশাৰ পাছত এই যুটিটোৱে গুৰুৰ পিছে পিছে স্কুটাৰত উঠি শ্বেৰেকাৰৰ স্পালৈ যায়। ইয়াৰে এজন দুৰ্বৃত্তই ইউ পি আই ব্যৱস্থাৰ জৰিয়তে ধন পৰিশোধ কৰি সুৰা বাৰৰ ওচৰৰ পান দোকানৰ পৰা দুটা গুটখা পেকেট কিনিছিল। আৰক্ষীয়ে জনোৱা মতে, ইউ পি আইৰ ৰেকৰ্ডত তেওঁৰ নাম মহম্মদ ফিৰোজ আনছাৰী বুলি জানিব পৰা গৈছে। বুধবাৰে নিশা প্ৰায় ১:৩০ বজাত ফিৰোজ আৰু চাকিব আনছাৰীয়ে স্পাত প্ৰৱেশ কৰি গুৰুৰ প্ৰেমিকাক আন এটা কোঠালৈ লৈ যায় আৰু তাৰ পাছত ৭ হাজাৰ টকাৰ কেঁচীৰ পৃথক ব্লেড ব্যৱহাৰ কৰি হত্যা কৰাৰ অভিযোগ উঠিছে। অভিযুক্তই এখন ব্লেড ব্যৱহাৰ কৰি ডিঙি ফালি পেলোৱাৰ বিপৰীতে আনখন ব্লেডৰ সহায়ত পেটত ছুৰীৰে আঘাত কৰে। গুৰুৰ প্ৰেয়সীয়ে পিছদিনা পুৱা প্ৰায় ৯:৩০ বজাতহে হত্যাকাণ্ডৰ বিষয়ে গম পোৱা বুলি দাবী কৰি শ্বেৰেকাৰক খবৰ দিয়ে আৰু শ্বেৰেকাৰে পাছলৈ আৰক্ষীক খবৰ দিয়ে যদিও প্ৰায় দুঘণ্টাৰ পাছতহে বুলি বিষয়াগৰাকীয়ে জনায়। আৰক্ষীয়ে শ্বেৰেকাৰক সোধা-পোছাৰ বাবে আটক কৰি দিনটো জেৰাৰ অন্তত গ্ৰেপ্তাৰ কৰে। আনহাতে ফিৰোজ আনছাৰীক উপনগৰ নলাসোপাৰাৰ পৰা অপৰাধ শাখাৰ এটা দলে গ্ৰেপ্তাৰ কৰাৰ বিপৰীতে ৰাজস্থানৰ কোটাৰ পৰা নতুন দিল্লী অভিমুখী পথত ছাকিব আনছাৰীক উঠাই নিয়াৰ লগতে এই ষড়যন্ত্ৰৰ সৈতে জড়িত বুলি সন্দেহ কৰা আৰু দুজন লোকক লৈ যায় বিষয়াই লগতে কয়। মুঠ পাঁচজন লোকক গ্ৰেপ্তাৰ কৰা হৈছে বুলি উল্লেখ কৰি বিষয়াগৰাকীয়ে কয় যে গুৰুৰ হত্যাকাণ্ডত গুৰুৰ প্ৰেমিকাৰ ভূমিকাৰ বিষয়েও তদন্ত চলি আছে। গুৰুৱে ২০১০ চনৰ পৰা মুম্বাই, নৱী মুম্বাই, থানে, আৰু পালঘৰৰ স্পাৰ মালিকৰ পৰা ধন দাবী কৰিছিল আৰু তেওঁৰ বিৰুদ্ধে ধন দাবী, ধৰ্ষণ আৰু নিৰ্যাতনৰ অপৰাধমূলক গোচৰ ৰুজু কৰা হৈছিল বুলি আন এজন বিষয়াই জনায়। None
Popular Tags:
Share This Post:
What’s New
ধুবুৰীত আজমল পৰাজয়ৰ পোতক তুলিব চামগুৰিত, চামগুৰিত AIUDFয়ে দিব প্ৰাৰ্থী
- By Sarkai Info
- October 16, 2024
Spotlight
Today’s Hot
-
- October 16, 2024
-
- October 16, 2024
-
- October 16, 2024
Featured News
Kati Bihu: কাতি বিহুত আকাশ বন্তি জ্বলালে কি হয়? কাতি বিহু আৰু লোকবিশ্বাস
- By Sarkai Info
- October 16, 2024
Latest From This Week
Subscribe To Our Newsletter
No spam, notifications only about new products, updates.