NEWS
ঋতু পৰিৱৰ্তনৰ ফলত এই সময়খনিত বিভিন্ন বেমাৰ হোৱা দেখিবলৈ পোৱা গৈছে। বিশেষকৈ জ্বৰত আক্ৰান্ত হৈছে বহুলোক। ভাইৰেল জ্বৰত আক্ৰান্ত হৈছে বিভিন্নজন। পিছে এই জ্বৰৰ পৰা নিজকে কিদৰে ৰক্ষা কৰিব আপুনি? শিলচৰৰ বিশিষ্ট আয়ুৰ্বেদিক চিকিৎসক শুভশ্ৰী দত্তই কয় যে চৰ্দি আৰু ভাইৰাছজনিত জ্বৰ সাধাৰণতে ঘৰতে চিকিৎসা কৰিব পাৰি। গতিকে জ্বৰৰ তীব্ৰতা হ্ৰাস কৰি ৰোগীৰ শৰীৰৰ উপযুক্ত পুষ্টিৰ প্ৰয়োজনীয়তা বজাই ৰাখিবলৈ হ’লে জ্বৰৰ খাদ্যৰ ব্যৱস্থাপনা জনাটো অতি প্ৰয়োজনীয়। জ্বৰ আৰু জণ্ডিচৰ বাবে মাটিকঁঠাল বা আনাৰস অতি উপকাৰী। ইয়াত প্ৰচুৰ পৰিমাণে কেল’ৰি থাকে, যিয়ে আমাক শক্তি প্ৰদান কৰে। প্ৰটিনযুক্ত খাদ্য এই ফলটোৱে ছালৰ মৃত কোষবোৰ আঁতৰাই পেলাই, ছালৰ বলিৰেখাৰ পৰা ৰক্ষা কৰে। জ্বৰৰ পৰা পৰিত্ৰাণ পাবলৈ আনাৰস বা মাটিকঁঠাল খোৱাৰ পৰামৰ্শ প্ৰদান কৰিছে আয়ুৰ্বেদিক চিকিৎসকগৰাকীয়ে।তেওঁ কয়, আনাৰসত বিষ নিৰাময়কাৰী উপাদান থাকে। আনাৰস এন্থেলমিণ্টিক। কৃমি আঁতৰাবলৈ আনাৰস খালী পেটত খাব লাগে। এই ফলটোৱে শৰীৰত তেজ জমা হোৱাত বাধা দিয়ে। ফলত শিৰা-ধমনীৰ বেৰত জমা নোহোৱাকৈ গোটেই শৰীৰত তেজ সঠিকভাৱে প্ৰবাহিত হ’ব পাৰে। হৃদযন্ত্ৰই আমাৰ শৰীৰলৈ অক্সিজেনযুক্ত তেজ যোগান ধৰে। আনাৰসে তেজ বিশুদ্ধ কৰি হৃদযন্ত্ৰৰ কামত সহায় কৰে। আনাৰসত প্ৰচুৰ পৰিমাণে ভিটামিন চি থাকে। আনাৰসে জিভা, তালু, দাঁত, আঁঠুৰ যিকোনো ৰোগৰ বিৰুদ্ধে যুঁজ দিয়ে। আনাৰস বা মাটিকঁঠালত মিনাৰেল ছল্ট মেংগানিজ থাকে, যিয়ে দাঁত, হাড়, চুলিক মজবুত কৰে। গৱেষণাত দেখা গৈছে যে নিয়মিতভাৱে আনাৰস খোৱা লোকসকলৰ চৰ্দি, ডিঙিৰ বিষ, চাইনাচাইটিছ আদি ৰোগ কম হয়। ব্ৰণকে ধৰি সকলো ছালৰ অৱস্থাৰ বাবে আনাৰসৰ মূল্য অতিশয়। শৰীৰৰ পুষ্টি আৰু শৰীৰক সুস্থ কৰি ৰখাৰ বাবে আনাৰস বা মাটিকঁঠাল এবিধ অতুলনীয় ফল বুলি জনাইছে ডাঃ শুভশ্ৰী দত্তই। None
What’s New
Spotlight
Advertisement
Featured News
Latest From This Week
Popular News
