NEWS
ভাৰতৰ যুৱ ক্ৰিকেটাৰ ঋষভ পণ্ট, অক্ষৰ পেটেল আৰু কুলদীপ যাদৱক দিল্লী কেপিটেলছে (Delhi Capitals) ২০২৫ৰ আইপিএলৰ মেগা নিলাম (IPL 2025 Mega Auction)লৈ নিজৰ লগতে ৰাখিব বুলি এটা খবৰ ওলাইছে। আইপিএল ২০২৫ (IPL 2025)ৰ বৃহৎ নিলামৰ পূৰ্বে ঋষভ পণ্ট দিল্লী কেপিটেলছৰ পৰা বাহিৰলৈ যাব পাৰে বুলি শনিবাৰৰ পৰা চলি থকা জল্পনা-কল্পনাৰ বিপৰীতে, এটা বিশেষ সূত্ৰই ‘IANS’ক দৃঢ়ভাবে কৈছে যে উইকেটকিপাৰ-বেটাৰ ফ্ৰেঞ্চাইজিৰ সৈতে থাকিব। শনিবাৰে পুৱাৰ পৰা সংবাদ মাধ্যমত চৰ্চা চলিছে যে দিল্লী কেপিটেলছৰ অধিনায়ক পণ্টে ফ্ৰেঞ্চাইজি এৰাৰ সম্ভাৱনা আছে। তেওঁলোকে ঋষভক পাঁচবাৰৰ চেম্পিয়ন চেন্নাই চুপাৰ কিংছত অন্তৰ্ভুক্ত হ’ব পাৰে বুলিও সম্ভাৱনা ব্যক্ত কৰিছে। কিয়নো কিংবদন্তি ক্ৰিকেটাৰ এম এছ ধোনীৰে ভাতৃত্বসুলভ সম্পৰ্ক আছে ঋষভৰ আৰু পণ্টৰ সৈতে ধোনীৰ সৌহাৰ্দ্যপূৰ্ণ সম্পৰ্ক ক্ৰিকেট জগতৰ বাবে কোনো নতুন কথা নহয়। কিন্তু সূত্ৰসমূহে ‘IANS’ক কৈছে যে এতিয়ালৈকে পণ্ট বহুলাংশে দিল্লী কেপিটেলছৰ সৈতে আছে আৰু তেওঁক অক্ষৰ পেটেল আৰু কুলদীপ যাদৱৰ সৈতে ফ্ৰেঞ্চাইজিত ৰখাৰ প্ৰয়াস চলি আছে, যি বিগত কেইটামান ছিজনত দলটোৰ বাবে গুৰুত্বপূৰ্ণ বিষয় হৈ আছে। তিনিওজন ভাৰতীয় ক্ৰিকেটাৰৰ জৰিয়তে টীম ইণ্ডিয়া পুৰুষৰ টি-২০ বিশ্বকাপত বিজয়ী হৈছিল আৰু ২৯ জুনত বাৰ্বাডোছত অভিলেখ ৰচিছিল। বাংলাদেশত পুৰুষৰ অনূৰ্ধ্ব-১৯ বিশ্বকাপৰ কোৱাৰ্টাৰ ফাইনেলত নামিবিয়াৰ বিৰুদ্ধে ১৯৭ ৰাণৰ জয়ত ভাৰতৰ হৈ ৯৬ টা বলত ১১১ ৰাণ সংগ্ৰহ কৰাৰ দিনা অনুষ্ঠিত নিলামত পণ্ট ২০১৬ চনৰ পৰা ফ্ৰেঞ্চাইজিৰ সৈতে আছে। তেতিয়াৰ পৰা পণ্ট দিল্লী কেপিটেলছৰ এক মুখ্য আধাৰ হৈ পৰিছে। ১১১খন খেলত তেওঁ ৩২৮৪ ৰাণ সংগ্ৰহ কৰে, ১৪৮.৯৩ৰ ষ্ট্ৰাইক ৰেটত গড় ৩৫.৩১, যাৰ ভিতৰত আছে এটা শতক আৰু ১৮টা অৰ্ধশতক। আইপিএল ২০২১, ২০২২ আৰু ২০২৪ত দলটোৰ অধিনায়কত্বৰ দায়িত্ব গ্ৰহণ কৰা পণ্টে ৭৫টা কেচ লৈছে আৰু দিল্লী কেপিটেলছৰ উইকেটকীপাৰ হিচাপে ৩৮টা ষ্টাম্পিং কৰিছে। আনহাতে ৰিকি পন্টিঙৰ প্ৰস্থানৰ পাছত নতুন মুখ্য প্ৰশিক্ষকৰো সন্ধানত আছে দিল্লী কেপিটেলছ। RCBলৈ যাব নেকি কে এল ৰাহুল? ইফালে, এয়াও খবৰ ওলাইছে যে কে.এল. ৰাহুলে লক্ষ্ণৌ চুপাৰ জায়াণ্টছৰ পৰা ৰয়েল চেলেঞ্জাৰ্ছ বেংগালুৰুলৈ যাব পাৰে। সূত্ৰসমূহে লগতে কয় যে এই আলোচনা বৰ্তমান অতি প্ৰাৰম্ভিক পৰ্যায়ত আছে আৰু ভৱিষ্যতে কি হ’ব পাৰে সেয়া এতিয়াই ক’ব পৰা নাযায়। ৰাহুলে ২০২২ চনত তেওঁৰ প্ৰথম আইপিএল প্ৰদৰ্শনৰ পৰা লক্ষ্ণৌ চুপাৰ জায়াণ্টছৰ নেতৃত্ব দি আহিছে, কিন্তু ২০২৪ চনত দলটো পইণ্ট তালিকাৰ সপ্তম স্থানত আছে। কে. এল. ৰাহুলে ২০১৩ আৰু ২০১৬ চনত আৰচিবিক প্ৰতিনিধিত্ব কৰিছে, ফ্ৰেঞ্চাইজিৰ সৈতে তেওঁৰ দ্বিতীয় কাৰ্যকালত ১৪টা ইনিংছত ৩৯৭ ৰাণ লাভ কৰে, যাৰ ভিতৰত আছে চাৰিটা অৰ্ধ-শতক। সূত্ৰসমূহে ‘IANS’ক এইটোও কৈছে যে আৰচিবি-এ তেওঁলোকৰ দলত স্থানীয় মুখ ৰখাৰ বাবে আগ্ৰহী, লগতে এনে এজন খেলুৱৈ আছে যি আহিবলগীয়া ছীজনক বাবে নেতৃত্ব ল’ব পৰাকৈও যোগ্য আৰি দক্ষ। বৰ্তমান সকলোৰে দৃষ্টি এই মাহৰ শেষত (সম্ভৱতঃ ৩০ জুলাইত) BCCIৰ সৈতে হ’বলগীয়া ফ্ৰেঞ্চাইজিৰ ১০গৰাকী স্বত্ত্বাধিকাৰীৰ বৈঠকত নিবদ্ধ থাকিব। None
What’s New
Spotlight
Advertisement
Featured News
Latest From This Week
Popular News
