ভাৰতীয় ক্ৰীড়াক্ষেত্ৰত এক যুগান্তকাৰী মুহূৰ্ত। অলিম্পিক আৰু পেৰালিম্পিকছৰ ১৪০জন ক্ৰীড়াবিদ উপস্থিত হ’ল একেলগে। উদ্যোক্তা নীতা আম্বানী। দেওবাৰে মুম্বাইৰ আণ্টিলিয়ালৈ আহিল অলিম্পিক আৰু পেৰালিম্পিকৰ ক্ৰীড়াবিদসকল। ৰিলায়েন্স ফাউণ্ডেচনৰ ফালৰ পৰা এই অনুষ্ঠানৰ আয়োজন কৰা হৈছিল, নাম দিয়া হৈছিল ‘ইউনাইটেড ইন ট্ৰায়াম্ফ’। অনুষ্ঠানত নীতা আম্বানীয়ে কয়, ‘‘ঐতিহাসিক ঘটনা। খেলা-ধূলাৰ ইতিহাসত প্ৰথমবাৰ অলিম্পিয়ান আৰু পেৰালিম্পিয়ানসকল এটা ছাতিৰ তলত মিলিত হ’ল। বিগত দুই মাহত বিশ্বৰ সন্মুখত ভাৰতৰ নাম উজ্জ্বল কৰিছে তেওঁলোকে, সেইসকল তাৰকা মিলিত হ’ল এটা স্থানত। দেওবাৰে এই অনুষ্ঠানত মিলিত হয় ১৪০ গৰাকীৰো অধিক অলিম্পিক আৰু পেৰালিম্পিকৰ এথলীট। ডয়, উদযাপন আৰু খেলা-ধুলাৰ আত্মাত আমি সকলো এক।’’ অলিম্পিকত মহিলা ক্ৰীড়াবিদসকলৰ সফলতাত আনন্দিত নীতা আম্বানীয়ে কয়, ‘‘পেছাদাৰ খেলা-ধুলাত মহিলাসকল নানা সমস্যাৰ সন্মুখীন হয়। সেইবাবেই আপোনালোকৰ সফলতা বিশেষ। অৰ্থনৈতিক প্ৰত্যাহ্বান আছে, বহু সময়ত পৰিয়ালৰ অনুমতিও পোৱা নাযায়। প্ৰশিক্ষণৰ অসুবিধা, কোচ, ফিজিঅ’ আনকি পুনৰ্বাসন কেন্দ্ৰবোৰত মহিলাসকল সহজতে সোমাব নোৱাৰে। আপোনালোকে সকলো বাধা আঁতৰাই দেশলৈ সফলতা কঢ়িয়াই আনিছে। ইয়াৰ সৈতে একোৰে তুলনা নহয়। আপোনালোকে প্ৰমাম কৰিছে, অসম্ভৱ বুলি একো নাই।’’ Together as one, celebrating unity ✨✨ India’s star Paralympians & Olympians arrive at Reliance Foundation’s United In Triumph awards to celebrate spirit of Olympism together🤝🤝 #RFsports #UnitedinTriumph #Paris2024 #Paralympics2024 pic.twitter.com/Df1Y2z44hR ৰিলায়েন্সৰ ফালৰ পৰা ক্ৰীড়াবিদসকলক ধন্যবাদ জনায় আকাশ আম্বানীয়ে। তেওঁ কয়, ‘‘ৰিলায়েন্স পৰিয়ালৰ বাবে আপোনালোক অনুপ্ৰেৰণা। আপোনালোক সকলোকে ধন্যবাদ। এনে এটা সন্ধিয়াৰ আয়োজনৰ বাবে মা নীতা আম্বানীকো ধন্যবাদ জনাব বিচাৰিছো। ৰিলায়েন্স ফাউণ্ডেচনত আমি যি কৰো সেয়া ইউনাইটেড ট্ৰায়াম্ফ দৃষ্টিভংগীৰে প্ৰতিফলন।’’ অলিম্পিক আৰু পেৰালিম্পিকত দেশলৈ সফলতা কঢ়িয়াই অনাৰ বাবে এই দিনটোত ক্ৰীড়াবিদসকলক সন্মানিত কৰে ৰিলায়েন্স ফাউণ্ডেচনে। উপস্থিত আছিল অলিম্পিকত ৰূপৰ পদক জয়ী নীৰজ চোপ্ৰা, স্বৰ্ণজয়ী মনু ভাকেৰ, পেৰালিম্পিকত দেশৰ প্ৰথম স্বৰ্ণজয়ী মুৰলীকান্ত পেটকাৰ। ইয়াৰ উপৰি উপস্থিত আছিল দেৱেন্দ্ৰ ঝাঝাৰিয়া, সুমিত আন্তিল, নীতেশ কুমাৰ, হৰবিন্দৰ সিং, ধৰমবীৰ নাইন, নৱদীপ সিং আৰু প্ৰবীণ কুমাৰ, প্ৰীতি পাল, মোনা আগৰৱাল, ছিমৰন শৰ্মা, দীপ্তি জীৱনজী আৰু অলিম্পিয়ানসকল যেনে সৰৱজ্যোৎ সিং, স্বপ্নিল কুছলে, আমান ছেহৰাৱাটো। পুৰুষ হকী দলৰ হৰমনপ্ৰীত সিং আৰুপি আৰ শ্ৰীজেশো আণ্টিলিয়াত উপস্থিত আছিল। অনুষ্ঠানত ছানিয়া মিৰ্জা, দীপা মালিক, কৰ্ণম মালেশ্বৰীৰ দৰে কিংবদন্তিসকলো উপস্থিত আছিল। ক্ৰীড়াবিদসকলক উৎসাহিত কৰিবলৈ উপস্থিত আছিল ৰণবীৰ সিং আৰু কাৰ্তিক আৰিয়ানো। None
Popular Tags:
Share This Post:
What’s New
ধুবুৰীত আজমল পৰাজয়ৰ পোতক তুলিব চামগুৰিত, চামগুৰিত AIUDFয়ে দিব প্ৰাৰ্থী
- By Sarkai Info
- October 16, 2024
Spotlight
Today’s Hot
-
- October 16, 2024
-
- October 16, 2024
-
- October 16, 2024
Featured News
Kati Bihu: কাতি বিহুত আকাশ বন্তি জ্বলালে কি হয়? কাতি বিহু আৰু লোকবিশ্বাস
- By Sarkai Info
- October 16, 2024
Latest From This Week
Subscribe To Our Newsletter
No spam, notifications only about new products, updates.