শিলচৰ টেনিছ ক্লাবত আয়োজিত হ'ব ৰাষ্ট্ৰীয় পৰ্যায়ৰ টুৰ্ণামেন্ট। টেনিছ প্ৰেমীৰ বাবে এক ডাঙৰ সুখবৰ। প্ৰথমবাৰৰ বাবে শিলচৰ টেনিছ ক্লাবত অনুষ্ঠিত হ’ব ৰাষ্ট্ৰীয় পৰ্যায়ৰ টেনিছ প্ৰতিযোগিতা। ৩০ ছেপ্টেম্বৰৰ পৰা আৰম্ভ হ’ব এই ৰাষ্ট্ৰীয় পৰ্যায়ৰ টেনিছ প্ৰতিযোগিতা। পাঁচদিনীয়া এই প্ৰতিযোগিতাত দেশৰ বিভিন্ন ৰাজ্যৰ প্ৰতিযোগীয়ে অংশগ্ৰহণ কৰিব। অল ইণ্ডিয়া টেনিছ এছ’চিয়েশ্যনে আয়োজন কৰা শিলচৰ টেনিছ ক্লাবত চেম্পিয়নশ্বিপ ছিৰিজ টেনিছ টুৰ্ণামেণ্টত অসম, মণিপুৰ, মিজোৰাম, ত্ৰিপুৰাকে ধৰি ভাৰতৰ অন্যান্য ৰাজ্যৰ মুঠ ২০গৰাকী প্ৰতিযোগীয়ে ইতিমধ্যে পঞ্জীয়ন কৰিছে। লগতে কেইবাগৰাকী ৰেংকিং খেলুৱৈ অংশ ল’ব এই টুৰ্ণামেণ্টত। ইয়াৰ লগতে শিলচৰ টেনিছ ক্লাবৰ পাঁচগৰাকী খেলুৱৈয়ে প্ৰথমবাৰৰ বাবে ১৮ বছৰ অনুৰ্ধৰ “এআইটিএ ৰাষ্ট্ৰীয় পৰ্যায়ৰ টেনিছ প্ৰতিযোগিতা"ত অংশগ্ৰহণ কৰিব। এআইটিএ চেম্পিয়ন ছিৰিজ টেনিছ টুৰ্ণামেণ্ট (চিএছ৭)ৰো আয়োজন কৰা হৈছে যাতে বৰাক উপত্যকাৰ খেলুৱৈসকলক এক সুযোগ প্ৰদান কৰা সম্ভৱ হয়। প্ৰতিযোগিতা দুখন সুন্দৰ আৰু সফল কৰি তোলাৰ বাবে আয়োজকসকলে ক্ৰীড়াপ্ৰেমী জনসাধাৰণৰ সহযোগিতা কামনা কৰিছে। প্ৰতিযোগিতাৰ সঞ্চালক শিৱাশীষ দত্তগুপ্ত, মুখ্য ৰেফাৰী শিৱ কুমাৰ প্ৰজাপতি, টেনিছ ক্লাব শিলচৰৰ সভাপতি মহাবীৰ জৈন, সম্পাদক দেবশীষ স্বামী, সহকাৰী সম্পাদক অভিষেক জৈন, আটাৰৰ উপ সভাপতি অৰিজিৎ কুমাৰ এন্দো আদিয়ে কয় যে, শিলচৰ টেনিছ ক্লাব এখন ঐতিহ্যমণ্ডিত ক্লাব। এই টেনিছ ক্লাবৰ পৰা বহু খেলুৱৈ ভাৰতৰ বিভিন্ন প্ৰতিযোগিতাত অংশ লৈ সুনাম কঢ়িয়াই আনিছে। বিভিন্ন সময়ত প্ৰতিযোগিতাৰ আয়োজন কৰিলেও প্ৰথমবাৰৰ বাবে শিলচৰ টেনিছ ক্লাবত আয়োজিত হ’ব ৰাষ্ট্ৰীয় পৰ্যায়ৰ টুৰ্ণামেন্ট। এনে ধৰণৰ খেলৰ আয়োজন বৰাক উপত্যকাৰ টেনিছ খেলুৱৈ সকলোৰ বাবে উৎসাহ প্ৰদান কৰে। লগতে তেওঁলোকে বহু অভিজ্ঞতা অৰ্জন কৰিব। None
Popular Tags:
Share This Post:
What’s New
ধুবুৰীত আজমল পৰাজয়ৰ পোতক তুলিব চামগুৰিত, চামগুৰিত AIUDFয়ে দিব প্ৰাৰ্থী
- By Sarkai Info
- October 16, 2024
Spotlight
Today’s Hot
-
- October 16, 2024
-
- October 16, 2024
-
- October 16, 2024
Featured News
Kati Bihu: কাতি বিহুত আকাশ বন্তি জ্বলালে কি হয়? কাতি বিহু আৰু লোকবিশ্বাস
- By Sarkai Info
- October 16, 2024
Latest From This Week
Subscribe To Our Newsletter
No spam, notifications only about new products, updates.