AUTOMOBILE
ஜப்பானிய இரு சக்கர வாகன தயாரிப்பு நிறுவனமான யமஹா, ஸ்போர்ட்டி பைக்குகளுக்கு பெயர் பெற்றது. இந்த நிறுவனமானது சமீபத்தில் யமஹா R15M மோட்டோஜிபி எடிஷன் என்ற புதிய பைக் அறிமுகப்படுத்தியுள்ளது. இந்த 2024 யமஹா R15M மோட்டோஜிபி எடிஷன் பைக் ஆனது இந்தியாவில் ரூ.1.98 லட்சத்தில் எக்ஸ்-ஷோரூம் விலையில் அறிமுகம் செய்யப்பட்டு உள்ளது. இந்த பைக் யமஹாவின் மோட்டோ ஜிபி குழுவின் மான்ஸ்டர் எனர்ஜி நிறங்களை கொண்டிருக்கிறது. இந்த பைக்கில் உள்ள பெயிண்ட் ஆனது YZR-M1 மோட்டோஜிபி மாடலில் உள்ளதை போன்றே காட்சியளிக்கிறது. இதன் பிரைமரி கலர் கருப்பாகவும், ஆங்காங்கே புளூ மற்றும் சில்வர் நிறத்திலும் மற்றும் மான்ஸ்டர் எனர்ஜி லோகோ சைடு ஃபேரிங்கிலும் இடம் பெற்றிருக்கிறது. இந்த பைக்கின் வடிவமைப்பு மற்றும் தோற்றம் MotoGP ரேசிங் பைக்குகளால் ஈர்க்கப்பட்டு, பந்தய தோற்றத்தை அளிக்கிறது. யமஹா R15M மோட்டோஜிபி எடிஷன் 155CC லிக்விட்-கூல்டு, சிங்கிள் சிலிண்டர் எஞ்சின் மூலம் இயக்கப்படுகிறது. இந்த எஞ்சின் ஆனது 18 பிஎச்பி பவரையும், 14.2 என்எம் பீக் டார்க்கையும் வழங்குகிறது. இத்துடன் 6 ஸ்பீடு கியர்பாக்ஸ் உடன் வழங்கப்படுகிறது. இந்த பைக் கலர் TFT டிஸ்ப்ளே மற்றும் ப்ளூடூத் இணைப்புடன் வருகிறது. டர்ன் பை டர்ன் நேவிகேஷன் போன்ற அதி நவீன வசதிகளுடன் இது வழங்கப்பட்டுள்ளதால், இந்த பைக் டிஜிட்டல் அனுபவத்தை இன்னும் சிறப்பாக்குகிறது. R15M ஆனது உங்கள் ஸ்மார்ட்போனை பைக்குடன் இணைக்க உதவும் புளூடூத் இணைப்பு அம்சத்தைக் கொண்டுள்ளதால், சவாரி செய்யும் போது கால்கள் மற்றும் மெசேஜ்கள் பற்றிய தகவல்களை இது வழங்குகிறது. இந்த பைக்கில் டூயல்-சேனல் ஏபிஎஸ் மற்றும் ஸ்லிப்பர் கிளட்ச் போன்ற அம்சங்கள் உள்ளன, இது சவாரிக்கு சிறந்த கட்டுப்பாட்டையும் பாதுகாப்பையும் வழங்குகிறது. இது ஸ்போர்ட்ஸ் பைக்கை இன்னும் பாதுகாப்பானதாக்குகிறது. யமஹா R15M மோட்டோஜிபி எடிஷன் ஸ்போர்ட்டி தோற்றம் மற்றும் உணர்வை விரும்புபவர்களுக்கானது. அதன் ஸ்டைலான வடிவமைப்பு மற்றும் சக்தி வாய்ந்த செயல்திறன் இந்த பைக்கை இன்னும் சிறப்பு செய்கிறது. Also Read | UPI பேமெண்ட்… மோசடிகளில் சிக்காமல் இருக்க இதை ஃபாலோ பண்ணுங்க போதும்! இந்த மோட்டோஜிபி பைக்கின் ஈர்க்கப்பட்ட வடிவமைப்பானது இளைஞர்களை மிகவும் கவர்ந்து வருகிறது. மேலும், இந்த பைக் ஆனது ஸ்போர்ட்ஸ் பைக் பிரியர்களிடையே பிரபலமடைந்து வருகிறது. யமஹா R15M மோட்டோஜிபி எடிஷனை தவிர, இந்த பைக் சில்வர் நிறத்திலும், சமீபத்தில் அறிமுகப்படுத்தப்பட்ட கார்பன் ஃபைபர் வடிவத்திலும் கிடைக்கிறது. யமஹா R15M மோட்டோஜிபி எடிஷன் விலை ரூ.1.98 லட்சத்தில் கிடைக்கிறது. இந்த பைக் இந்தியாவில் உள்ள யமஹா டீலர்ஷிப்களில் கிடைக்கும். None
What’s New
Spotlight
Advertisement
Featured News
Latest From This Week
Popular News
