AUTOMOBILE
வாகனத்தில் இன்ஜின் ஆயிலை எப்போது மாற்ற வேண்டும் மற்றும் ஆயிலை மாற்ற சரியான நேரம் எது என்று தற்போது பார்க்கலாம். பலர் தங்கள் கார் ஒரு வருடத்தில் 3 முதல் 4 ஆயிரம் கிலோ மீட்டர் மட்டுமே ஓடியுள்ளது. ஆகையால், இன்ஜின் ஆயிலை மாற்ற வேண்டியதில்லை என்று நினைத்துக் கொள்கிறார்கள். உண்மை என்னவென்றால், ஒரு கார் 8,000 முதல் 10,000 கிலோ மீட்டர் ஓடிய பிறகு என்ஜின் எண்ணெயை கண்டிப்பாக மாற்ற வேண்டும் என்று நிறுவனங்கள் பரிந்துரைக்கின்றன. இருப்பினும், இந்த விஷயத்தில் மக்கள் மத்தியில் பல்வேறு குழப்பங்கள் உள்ளன. வாகனத்தை குறைவாக ஓட்டினால், இன்ஜின் ஆயிலை மாற்ற வேண்டிய அவசியமில்லை என்று பலர் நம்புகின்றனர். ஆனால் இந்த கருத்து முற்றிலும் சரியானது அல்ல. உங்கள் வாகனம் ஆண்டு முழுவதும் அதிகம் இயக்கப்படாவிட்டாலும், சரியான நேரத்தில் என்ஜின் ஆயிலை மாற்றுவது மிகவும் முக்கியம். ஏனென்றால், வாகனம் இயங்கும்போது மட்டுமல்ல, காலப்போக்கில் இன்ஜின் ஆயிலும் அதன் தரத்தை இழக்கத் தொடங்குகிறது. Also Read: Expensive Parking : பார்க்கிங் செய்யும் இடம் ரூ.4 கோடி… விலை கொடுத்தாலும் இடம் கிடைக்காது.. எங்கே தெரியுமா? இன்ஜின் ஆயிலின் முக்கியத்துவம்: என்ஜின் ஆயிலின் முக்கிய செயல்பாடு என்னவென்றால் என்ஜின் பாகங்கள் உராய்வதை தடுக்கும். இது தவிர, இயந்திரத்தில் உள்ள அழுக்கு, உலோகத் துகள்கள் மற்றும் கசடுகளை அகற்றவும் இது உதவுகிறது. சரியான நேரத்தில் ஆயில் மாற்றப்படாவிட்டால், அது தடிமனாகி, இயந்திர பாகங்களில் தேய்மானம் மற்றும் வாகனத்தின் செயல்திறனை குறைக்கும். வாகனத்தை நீண்ட நேரம் நிறுத்தியிருந்தாலும் ஆயிலின் தரம் மோசமடையும். காலப்போக்கில், ஈரப்பதம் மற்றும் தூசி இன்ஜின் எண்ணெயில் கலந்து, அதன் செயல்திறன் குறைவாக இருக்கும். இது ஆயிலின் லூப்பிரிகேஸனை குறைக்கிறது. இதனால்தான் வாகனம் குறைவாக ஓட்டினாலும், நிறுவனத்தின் வழிகாட்டுதலின்படி 6 மாதங்களுக்கு ஒருமுறை அல்லது ஒரு வருடத்திற்கு ஒருமுறையாவது இன்ஜின் ஆயிலை மாற்றுவது அவசியம். இன்சின் ஆயிலை மாற்றுவதுடன், உங்கள் வாகனத்தை தொடர்ந்து சர்வீஸ் செய்வதும், என்ஜின் ஆயிலின் தரத்தை சரிபார்ப்பதும் முக்கியம். இதன் மூலம் இன்ஜினின் ஆயுளை அதிகரிக்கலாம் மற்றும் பெரிய செலவுகளையும் நம்மால் தவிர்க்க முடியும். வாகனம் குறைவாகவோ அல்லது அதிகமாகவோ இயக்கப்பட்டாலும், சரியான நேரத்தில் என்ஜின் ஆயிலை மாற்றுவது மிகவும் அவசியம். இது உங்கள் வாகனத்தின் செயல்திறன் மற்றும் இன்ஜினின் ஆரோக்கியத்திற்கு முக்கியமானது. சரியான நேரத்தில் ஆயிலை மாற்றவில்லை என்றால் என்ஜினில் பழுது ஏற்படும். அந்த பழுதை நீக்க அதிகளவில் செலவு ஏற்படலாம். None
What’s New
Spotlight
Advertisement
Featured News
Latest From This Week
Popular News
