AUTOMOBILE
பண்டிகைக் காலத்தில் விற்பனையை அதிகரிக்க, பிரெஞ்சு கார் தயாரிப்பு நிறுவனமான சிட்ரோயன், அதன் புதிய ஏர்கிராஸை ரூ.8.49 லட்சம் (எக்ஸ்-ஷோரூம்) ஆரம்ப விலையில் அறிமுகம் செய்வதாக அறிவித்துள்ளது. இந்த SUV ஆனது முன்பதிவுக்கு திறக்கப்பட்டு இன்று முதல் விற்பனையை தொடங்கியுள்ளது. சிட்ரோயன் ஏர்கிராஸ் ஆனது இப்போது இரண்டு பெட்ரோல் எஞ்சின் விருப்பங்களைக் கொண்டுள்ளது. அதாவது, 1.2-லிட்டர் ஜென்-3 ப்யூர்டெக் 110 டர்போ மற்றும் 1.2-லிட்டர் ப்யூர்டெக் 82 நேச்சுரலி ஆஸ்பிரேட்டட் (நியூ எடிஷன்) ஆகிய இரண்டு விதமான என்ஜின் ஆப்ஷன்களில் வாங்கலாம். டர்போ யூனிட் ஆனது 110bhp பவரையும் மற்றும் 190Nm பீக் டார்க்கையும் வழங்குகிறது, அதே சமயம் நேச்சுரலி ஆஸ்பிரேட்டட் யூனிட் ஆனது 82bhp பவரையும் மற்றும் 110Nm பீக் டார்க்கையும் வழங்குகிறது. டிரான்ஸ்மிஷன் பொறுத்தவரை, டர்போ பெட்ரோல் என்ஜினை 6-ஸ்பீடு மேனுவல் அல்லது 6-ஸ்பீடு ஆட்டோமேட்டிக் கியர்பாக்ஸையும், நேச்சுரலி அஸ்பிரேட்டட் பெட்ரோல் என்ஜின் உடன் 5-ஸ்பீடு மேனுவல் கியர்பாக்ஸையும் பெறலாம். இதையும் படிக்க: மழைக்காலத்தில் உங்கள் காரில் கட்டாயம் இருக்க வேண்டிய 7 பொருட்கள்.. என்னென்ன தெரியுமா? புதிய ஏர்கிராஸ் ஆனது அதன் பாதுகாப்பு, வசதி மற்றும் ஒட்டுமொத்த ஓட்டுநர் அனுபவத்தை மேம்படுத்த பல மேம்பாடுகளுடன் வந்துள்ளது. சிறந்த பாதுகாப்புக்காக 6 ஏர்பேக்குகள் மற்றும் ஐசோஃபிக்ஸ் சைல்ட் சீட் ஆகியவை இந்த புதிய அம்சங்களில் உள்ளன. இது தவிர, எலக்ட்ரானிக் ஸ்டெபிலிட்டி புரோகிராம், டயர் பிரஷர் மானிட்டர் சிஸ்டம் மற்றும் ஹில்-ஹோல்ட் அசிஸ்ட் உள்ளிட்ட 40க்கும் மேற்பட்ட பாதுகாப்பு அம்சங்கள் உள்ளன. அத்துடன் கூடுதலாக, LED ப்ரொஜெக்டர் ஹெட்லேம்ப்கள், ஆட்டோமேட்டிக் கிளைமேட் கண்ட்ரோல், இன்டிகேட்டர்கள், ரியர் ஏசி வென்ட்கள், பவர்-ஃபோல்டிங் ORVMகள் மற்றும் டோர்களில் பவர் விண்டோ ஸ்விட்ச்ஸ் ஆகியவை அடங்கும். இதையும் படிக்க: மழைக்காலத்தில் பாதுகாப்பாக கார் ஓட்டுவது எப்படி? - அவசியம் இதையெல்லாம் பாலோ பண்ணுங்க! C3 ஏர்கிராஸ் ஆனது 5 மற்றும் 7 சீட் விருப்பங்களில் வாங்கலாம். 7 சீட்கள் கொண்ட மாடலை வாங்குபவர்கள் கூடுதலாக ரூ.35,000 செலுத்த வேண்டும். மேலும், இந்த காரின் மூன்றாவது ரோ சீட்கள் அகற்றப்பட்டதால், அதன் பூட் திறன் 511 லிட்டராக அதிகரிக்கிறது. வேரியண்ட்களை பொறுத்தவரையில், U, பிளஸ் மற்றும் மேக்ஸ் ஆகிய மூன்று வகைகள் உள்ளன. அதன் அனைத்து வகைகளின் விலையைப் பற்றி விரிவாக பார்ப்போம். 1.2 NA U- ரூ.8.49 லட்சம் 1.2 NA பிளஸ் - ரூ.9.99 லட்சம் 1.2 டர்போ பிளஸ் - ரூ.11.95 லட்சம் 1.2 டர்போ AT பிளஸ் - ரூ.13.25 லட்சம் 1.2 டர்போ மேக்ஸ் - ரூ.12.7 லட்சம் 1.2 டர்போ AT மேக்ஸ் - ரூ.13.99 லட்சம் None
What’s New
Spotlight
Advertisement
Featured News
Latest From This Week
Popular News
